Bible cawnnak a ngei veve ko nain le Bible tha tein rel ciocio ko nain bible hmuhning pomning aa dang lulh cio. Tutan ah kan pale cheukhat cawnpiaknak nih zapi lung awtawm in a chiah hna. Tampi cawnpiaktu hna lakah minung 4 kan vun langhter tuah hna lai. Rev.Amos Thang Chin le Rev.Thawng Tha Thang nih cun, Bible ah cheuhra cheukhat pe uh tiah a timi ning tein kan i cawnpiak le kan pek hi bible ning in kan tuah mi asi. Cu cu Jesuh khrih hrimhrim nih tuah uh tiah a kan timi asi. Cu caah khrihfa zumtu nih cun cheuhra cheukhat hi kan pek hrimhrim awk asi ko tiah an kan cawn piak.
Rev.Thawng Dun le Rev.Tuan Peng Thang nih cun an timi cu, Bible ah cheuhra cheukhat pe u timi hi biakam thar ah pakhat hmanh a um lo, adeh deh khat zong a um lo. Cheuhra cheukhat pe uh ti si loin nan mah le lungthawhnak in siannak he pe u ti asi caah kan Pathian sinah kan pek mi hi cheuhra cheukhat si loin kan sian tawk tu kan pek awk asi. Cu cu biakam thar cawnpiaknak a si. Cheuhra cheukhat pe uh timi hi thlai hnah pawl a chim duhmi asi tiah an ti ve.
Cawnpiaknak phunhnih ah hin tha tein ruat ve hmanh, a dik deuh mi pakhat cu a um ko caah bible ning lo deuh in cawnpiaknak hi kan nun ah ci bantuk in aa tuh sualnak hnga lo mipi zong nih bible hi tha tein kan rel i kan ruah ve hau. Group A cawnpiaknak maw na pom Group B cawnpiaknak dah…