Chin miphun nih kan ihmaihngal pi taktak mi Pu Henry Van Thio nih bawi thutdanh ah thutnak a petu NLD party cu a thli tein a leirawi than. Nai ah ralhrang nih tuah mi National Defnse & Security Council Meeting a va kai. Hi nih fiang tein alanghter ko, Henry Van Thio cu ralhrang sinah rian a tuan, anmah he rian an tuanti ko ti fehtertu asi.
Cu caah bawi thutdanh Vice president dirhmun a petu NLD party nih Pu Henry Van Thio cungah dantatnak kan tuah cang lai an ti. Zeibantuk in dah Henry Van Thio cungah dantatnak an tuah lai timi bel an langhter rih lo. Kan theih bantuk in Henry Van Thio cu ralkap bawi a rak si I, cu asinak cun aa din I party ah aa pemi asi.
USDP lutlai vialte khi Pu Henry Van Thio bantuk in an ralbawi sinah chiah in party ah aa pemi lawngte an si hna. Henry Van Thio zong hi NLD ah vice president pek asi ko nain a chungmuru taktak cun Min Aung Hlaing lei ah a ttang ziar ko ti khawh asi.
Vice president a tuan chungah USDP le ralkap a dohkalhnak biafang theih ding a um lem rua lo. 2021 ah Min Aung Hlaing nih uknak a lak in Suu Kyi le Win Myint an tlaih colh hna nain, Henry Van Thio hi thong atla ve timi pakhat hmanh theih ding a um lo hi khuaruahhar cu a si ve. Kum aliam aliam I atu ahcun ralhrang he riantuan ti a rak si taktaknak a lang cang.