President Win Myint tepawl nihcun MAH fialmi kha an ‘al’. Cucaah thongthlak le hrem an ihuah. Asinain mipi thanghthat an tong ve. Tuarnak lam an ithim kan ti lai cu.V-P Pu Van Thio nihcun MAH fialmi a tuah (meeting a kai). Har tuar lonak lam aa thim kan ti lai cu. Cucaah a him. Asinain mipi tampi mawhchiat le NLD party chungtel in chuah tiang a tong ve. Zeipoh hi duhthimnak(choice) asi peng. Duhthim ding a nei lo ti cu a dik lo tibia. CBT
Kuki hi kan miphun an si hih! [Chinlung-Chuak miphun— kan lungfim, funtom le doh-tti caan a si!]April thla thawk in Manipur ramthen khuasa kan miphun a simi Kuki hrinthlak hna cu Meitei miphun pawl nih fahnak phunkip an pek hna. A zaa dengin thah an tong. Nizan nai i Kuki kan far le pahnih taklawngin an vahpi hna I thi lakin an tlaihhrem hnanak video an postmi hrim cu zoh ah celh awk a tha lo.India nih Kuki tiah an ti tikah ‘Zo(Paihte), Hmar, Thadau, Vaiphei’ tepawl an itel dih. Cuhna cu Manipur ramthen ahhin 500,000 hrawng an um. Laitlang zat deng an si. Chinlung chuak Chin chungchuakfa taktak an si. Khrihfa an si dih fawn.
A hremtu hna Meithei (Kathe) miphun pawl hi Manipur ah cozah a tlaitu an si i milu sing 15 leng an si. June thla ahkhan keimah pumpak in an khualipi Imphal ah ka va kal. An buainak ka va zohhlat ve. Tuksapur a si ko. Kan miphun an temtuarnak zoh ah lung a fak hringhran ko.An buainak kong tucu kap tamtuk a si le voinolh ah fiang tein ka tial te lai (Atucu ka dam deuh lo). Meitei/Kathe pawl nih a phunphun in mawh a kan phurh. Cu lakah kanmah Myanmar ram chung he ai pehtlaimi thil tlawmpal ka van langhter lai.
#Myanmar ram lei in Chinmi ralzam kan va luh tukmi khi Meitei/Kathe pawl an mit kem. A taktak ahcun anmah Meitei hi Ne Win le Khin Ngunt chan ah Kalay-Kabaw le Tedim Tonzang ah a tomtom in an rak lut i Chin miphun kan hmunhma ah heh-chet tiah an rak I tenh bal. Chinmi nih kan tthawl bal hna loh.#Kuki-Chin pawl nih bing an cin i riit-hai-si le upadi nih khammi a phunphun an tuah tiah a kan ti. A tuahmi zong cu an um ve tak ko. Asinain anmah Meitei/Kathe pawl nih kanmah lei Chinram le Kawlram chungah cubantuk an tuahmi kha a let in a tamdeuh. Tonzang i bing an cinmi acre thonghra leng khi athawktu zong anmah an si i atu tiang a market vialte puantang in a tlaitu cu anmah an si.
#Hriam an tlai i phunglo thil an tuah an ti. Chin-Kuki-Zo hrambunh hriamtlai cu Manipur ahcun chimtlak an um lo. Bu hnihkhat, meithal tlawmte an si. A taktak ahcun Meitei/Kathe hriamtlai buu cu kan ram ah an tamtuk. Cor-Com an ti i hriamtlai phu 6 fonh sakhan zong Tonzang peng ah an nei i Tedim, Kalay, Khampat-Kalay kiangkap ah a thong renglo in khua an sa. Kan farle an tlaihhrem i mipi harsatnak tampi an kan pek. Kawl ralkap leiah an ttang i CNF/CDF/PDF a kan doh.Chim duhmi cu harsatnak kan pekmi hna nakin anmah nih an kan pekmi a tamdeuh. An kan ti bantuk in kan ti ve khawh. An kan tthawl ahcun kan tthawl ve hna khawh.
Biafunnak- Tutan hi Pathian nih Chin miphun cungah thil biapi a tlunter duhmi um ko rua ka ti. Nichuah lei in Kawl (Buddhist) ralhrang nih Chin miphun pawnchuah a kan timh. Thlanglei in Bangladesh (Muslim) nih Bawm-Maring-Kuki pawl a van nawrchuah ve hna i Mizoram ah a thong in an rak zam ve. Chaklei in Meitei(Hiu) pawl nih Kuki kan unau pawl a hun nawrchuah cuahmah ve hna.
Zeitik tiang dah Chin miphun pawl hi miphundang nih an kan nehsawh rih lai? Zeitikah dah miphun dang kut hin kan luat ve te hnga? Zeitik ah dah miphun zalennak kan ngah ve te hnga? Zeitikah dah Chinlung Chuak Chin miphun dihlak kan ifuntomthan(reunification) than khawh te hnga?Tutan kan tonmi thil nihhin miphun lungfimnak kan pe hram seh. Lungrualnak kan pe hram seh. Chinlung Chuak miphunkhat kan si kha kan fianter chin seh. Khrifa kan siter chin seh. Pathian kan auhter chin seh.Kan luatter hram seh.Khua kan khirhter(reunification) hram seh!Bawipa kan dirpi peng ko!