Rev.Hoi Cung Tum- Biakam Thar ah cheuhra cheukhat kong hi voi 8 kan hmuh. Cu hna cu cheuhra cheukhat pe u ti langhter duhmi asi lo. Cu caah Biakam Thar ah cheuhra cheukhat pe uh ti a um lo I, pe hlah uh ti zong a um lo. Hruaitu hna nih cheuhra cheukhat na peklo ahcun mifir na si tiah an ti lengmang mi hi bible ah a um bak lomi le bible ning a si hrim hrim lo an chim mi asi. Mirang ram biakinn ah khin cheuhra cheukhat tiah a chimmi hi mi tlawmte taktak an si tiah a chim chap.
Rev.Thawng Tha Thang – Cheuhra cheukhat cu Jesuh khrih athih in a thawh than hnu zong ah chimter than lengmang cu a hau ti maw,,, Amah Jesuh hrimhrim nih a kaa in a chim ko ahcun pek ding a si ko lo maw. Biakam Thar ah voi 8 bak cheuhra cheukhat kong kan hmuh khawh. Voi 8 te lawng a um caah kan pek awk asi loh ti kan ruat lai maw, naisai hlah. Mah duhnak lawng hmuh hi dakaw Sehtan thluachuah a si cuh. Biakam Thar ahcun cheuhra cheukhat peklo ruangah chiatserh na si lai na si lai lo ti asi lo, biakam thar cu biakam hlunnak in a fak deuh. Cu na pek mi cu tih ruangah si loin dawtnak he na pek lai tiah a ti.
Rev.Tuan Peng Thang- Khuika bible cacang ah dah Pathian nih cheuhra cheukhat phaisa a hal bal hna, Pathian nih phaisa a halnak nan hmu maw… Matthai ah a chimmi cu Aithing, hamhhuai le putanan te pawl pei asi ko cu… phaisa a hal tung hna lo. Bible ah phaisa an pekmi cu lunglawmhnak in an pekmi thawhlawm asi. Pa nih cheuhra cheukhat a hal mi hna cu vawlei I an cinthlak mi thei tlai asi. Khuika bible cacang ah hind ah Pathian nih phaisa a hal rengreng hna