Hpakanh Vawlei Cimhnak In Minung 37 A Tlau Mi Chung Ah Ruak 32 An Char Cang . Kachin ramkulh Hpakanh khua lungman sung cawhnak tlaang cinhhnawh nak in minung 37 a tlau mi hna chung ah August 16 chun hlan ah ruak 30 an hmuh cang hna.”Nizan ah ruak 25 kan hmuh hna i tuzing ka suimilam 11 tiang ah ruak 7 kan hmuh chap hna. Miruak 32 chungah 28 hi chungkhar he pehtlaihnak tuah khawh mi an si i ruak 4 tu hi chungkhar he pehtlaihnak kan tuah kho rih hna lo” tiah mibawm tu khuami pakhat nih a chim.
“Ruak kawlhawl nak chungah ruahsur aa peh peng i vawlei a cimh than lengmang caah ruak kawlhawl nak kongah harnak kan tong ngai. Zanlei suimilam 6 ting cu kan kawl rih hna lai.”tiah a cunglei upa nih a chim. August 13 zanlei sang ah Hpakanh khua lungman sung a kawl lio hna cu tlaang nih a cimh hnawh hna caah minung 37 an rak tlau tiah kan theih. Lungmili Post