Thantlang lei kahdohnak ralhrang hliamtuar reru cu dah. Aug 14 ah Thantlang khuachung ah ralhrang le Chin ralkap kahdohnak ah ralhrang hliamtuar a tlawmbik 60 tangttum lo cu, Hakha siizung ah ralhrang motor ngan pahnih nih Aug15 ah a hun chiah hna tiah kan theih. Mah TT kahdohnak ah ralhrang pathum an thi i, pahnih an tlau tiah kan theih.WH
Yinmarbin, Pekone Khua Ah SAC Ralkap Hriamngan Nih Kum 10 Hngakchia A Thah — Sagaing ramṭhen, Yinmarbin peng, Pekone khua ah a um mi SAC ralkap nih hriamngan an kah ruang ah kum 10 hngakchia 1 a thi i adang minung 5 an i hliam tiah Khit Thit nih a langhter.August 15 zaanlei sml 3:00pm hrawng ah Aungzeyar tlang cung in SAC ralkap nih hriamngan an kah mi cu Pekone khuachung ah a tlak caah hngakchia 1 a thi tiah theih a si.SAC ralkap pawl nih Pekone khua ah hriamngan an kah hi a voi 2 nak a si cang i a voikhatnak hi Palek Battalion 28 nih April 12 ah an kah i kum 13 hngakchia 1 a rak thi, kum 80 tarnu 1 zong aa rak hliam tiah theih a si.
Pathein-Monywa Lam Ah A Um Mi 5 Miles Gate Kahdohnak Ah SAC Ralkap 7 An Thi — Magway ramṭhen, Mindon peng, Butaung khua pawng, Pathein-Monywa lam ah a um mi SAC ralkap 5 Miles Gate cu dothlennak phu pawl nih an kah hna caah SAC ralkap 7 an thi i 1 fak ngai in hliam a tuar tiah Thayat pengkomh B04 nih thawng an thanh. August 15 zaanlei sml 4:00pm hrawng ah Mindon peng, Butaung khuate pawng, Yangon-Pathein lam cung ah a um mi Kanlay hlei, 5 Miles Gate 2 cu RPG, 40MM le meithal pawl in hmakhat te ah an kah hna i mins 50 leng kahdohnak chung ah SAC ralkap 7 an thi, 1 fak ngai in hliam a tuar tiah theih a si. Kahdohnak chung ah Thayat pengkomh B04, SAF le WOLF hna an i bawm tiah theih a si. Thechinlandpost