Dr.Lianhmung Sakhong nih kan MP cheukhat kong le Pu Henry Van Thio cungah a ngaihchiatnak kong a langhter. Atimi cu, Hitluk in ralhrang nih a kan thah cuahmah mi nan hmuh ko nain ralhrang lei kap in nan dir hi zeikhua ko dah nan ruah hnga…Thantlang khuapi a kang dih nan hmu ko lo maw, achung minung vialte an zam dih zong na hmu dih ko lo maw…
Pu Henry van Thio cungah kan ngaih achia tuk hringhran. Laimi nih vice president kan nei kho, hi hi Pathian thluachuah asi kan ti i kan ra ilawmh tuk cio. Nain, ralhrang nih uknak a lak hnu, heh tiah mipi a kan thah cuahmah, an kan khangh cuahmah lio ah ralhrang he vaa fonh riangmang i an meeting hei kai ve cu,,, a cungah kan ngaihchia ngaingai. Zeibantuk ruahnak dah a neih ti cu kan thei kho lo, thlacamnak tuin bawm ko hna u u sih tiah a chim.
A peh chap rih mi cu, Ralhrang dohnak ah hriamnam meithal hi cu a zatawk kan nei ko nain kuan hi kan chambau deuh. Sakhan pakhat an lak dengmang ti lio ah meithal kuan a dih tibantuk hi voitam pi kan tong cang. Phaisa hi cu mipi thawng in kan kawl ahcun a chuak ko nain a cawknak hi a har deuh ton. Hriamnam sernak kongah vanlawng kahnak meithal sernak tibantuk zong hi tlamtling ko lai ti ka zumh. Hibantuk ser athiammi kan scientists pawl zeimawzat cu an sermi test nak ah nunnak a liammi zong an tlawm ti lo. Nihin ti ah kan thazaang hi tlawm lo, mipi zong nan ba tuk ko lai nain teinak cu kan hmu hrimhrim ko lai tiah ati.