Captain Nehemiah biachim cu amak ko, zeitluk in dah miphun a dawt, ram a dawt ti cu abiachim in a fiang ko. Achim lakah tlawmpal highlight ka vun tuah lai, Pathian ral ramah ka kal cang lai, ka nunnak hi nangmah kutah ka chiah I kei nih cun him tein ka nunnak hi ka zuah ko law ti ka duh nain Bawipa nangmah nawl si ko seh tiah ka ti.
Ralhram ka kal cang lai ti ahcun kapa hi zankhuadei aa hngilh kho tawn lo. Ka mino hawi tampi bantuk in ramdang ah kal hi ka duh can tampi a um ve, cucu ka pa zong nih a duh mi asi. Ramdang kal ding in tuah piak dingah voi tampi an ka timh nain miphun caah keimah nih ka tuan lo ahcun ahodah a tuan ti hnga ti hi khua ka ruat than I ka thinlung hi kaa hnem than tawn. Miphun pakhat kan si bantuk in miphun pakhat kilvengtu ralkap kan herh hrimhrim ti hi kaa seh chih cang ruangah a dongh tiang miphun caah ka tuan lai tiah a chim.