Kan theih bantuk in salai Tial Cung Thang cu caan zeimawzat chung One Championship ah a rak i thongh hnu ah Legacy Fighting Championship ah aa thial. LFC ah aa thial tlawmpal ah puai a nei colh i teinak he a tlung. Tutan zong ah teinak nganpi a kan hmuh piak rih.
Tutan aa thongh ah hin Tial Thang hi amah dawtu taktak asi mi Aung La, Martin le mirang pa nih an zulh. Ring Octagon cung a kai lai te ah tha tein Pathian sinah thlacamnak an nei piak. Teinak a hmu taktak tikah kan ilawm tuk cio hna.
Tutan All in Combat3 ah hin Coulter vs Tatum cu Main Event an si i Tial Thang vs Jackson hi Co-Main Event an si. Tatum hi aa relrem than lo caah Tial Thang le Jackson cu Main Event ah an kai than.Main Event ah um timi hi a sawhsawh asi lo, sinak dirhmun a thami lawnglawng nih tinco khawhmi asi.
