Pathian dawt taktak lo ahcun a riantuantu si a fawi ti lai lo. Khrihfabu dawt taktak lo ahcun pastor tuan a fawi ti lai lo. Kalaymyo ah fang tunkhat ah 150000/ a si lio ah 150000/ lakkhah ei lo pastor kan tam tuk rih ee. Dawtnak taktak a herh ko.
2024 Ah Myanmar Ram Chung Dihlak Ah SAC Nih Milu Relnak Tuah Timh. Myanmar ramchung ah kum 10 dan ah voikhat lengmang in milu relnak rak tuahmi cu a ra laimi 2024 ah kan tuah lai, tiah SAC nih an thanh. Rampi milu relnak tawlreltu(Central Census Commission) phu cu Naypyidaw ah nizan August 22 ah a voihnihnak meeting an ṭhu i 2024 ah rampi milu relnak kan tuah lai tiah SAC ralbawi zik chang Soe Win nih a chim. 2024 October 1-15 tiang Myanmar milu relnak cu tuah a si lai i milu relnak tuah chung ah harnak a chuahpi khotu thil in kan i timhtuah khawh nakhnga 2023 October thla in peng 20 chung ah milu rel hneksaknak kan tuah lai.
2014 milu relnak rak tuah lio le 2019 caan karlak milu relnak rak tuah lio ah cun UNFPA nih fimthiamnak le tangka in a rak bawmh, atu zong SAC he rianṭuanṭinak an ngei, tiah theih a si. Asinain a ra laimi 2024 milu relnak min cazin laak tik ah cun rampi Budget hman a si lai, tiah theih a si. “Milu relnak hi hriamnam pakhat bantukin hman i, kawl miphun milu zat langhternak rian ah UNFPA hi an i tel lo ding ka duh. Hi thil hi SAC ralkap nawlngeihnak caan saupi hmuhter ding an i zuammi pakhat a si ca ah UNFPA nih faak piin an ruah awk a si,” tiah KNU Secretary Padoh Saw Ta Doo Mu nih a chim. 2014 milu relnak min cazin ningin Myanmar ramchung ah milu 51,486,253 an um. TCP