Pu Bawi Uk Thang, Chinland Club a rianțuannak hi September 13, 2010 ni ah CNF/A nih Indianapolis ah rak dirhmi a si bantukin, CNF/A nawlpek in, nihin tiang rian a tuanmi kan si.Chibland Club ralring ding tiah nihin ah ralring na ka pek mi kongah a tanglei bantukin biahal kan nin duh.
- 1. Chinland Club cu CNF nih dirhmi a si bantukin, Mipi le CNF kar ah, ral a ser khotu dingah kan iralring ding..?
- 2. Mipi le CDF kar lakah ral a ser kho tu kan sinak na hmuhnak na rak fianter naklai kan nin theihter.
crd-Chinland Club Committe
SAC Ralkap Tank A La Khotu Karenni Ralkap Cu NUG Nih Lawmman A Pek Lai. Karen ramkulh ah SAC ralkap Tank cu Karenni hriamtlai phu nih an laak khawh caah lawmman kan pek hna lai, tiah NUG project Minister of Finance and Investment, Tin Htun Naing nih a chim.88 hruaitu Min Ko Naing le NUG project Minister of Finance and Investment, Tin Htun Naing cu biaruahnak an ngeih lioah Min Ko Naing nih, Karenni hriamtlai phu nih SAC ralkap Tank an laak khawh caah laksawng nan pe hna lai maw tiin halnak a tuah i Tin Htun Naing nih laksawng pek dingin kan i tim. Tangka zong kan ngei ko tiin a leh, tiah Burma VJ nih a langhter.
A luancia March 9 ah Kalaymyo in a rak kaimi SAC ralkap Tank pahnih telh in motor 30 leng cu Chin ralkap phu nih lampithluan ah an rak kah hna i April 13 ah a dihlak in an rak hrawh khawh. NUG nih Chin ralkap phu cu lawmman laksawng kyats sing 4,000 a rak pek bal cang hna.Karenni ramkulh ah SAC ralkap Tank pahnih cu Karenni hriamtlai phu nih an laak khawh tiin thawng a thang nain Karenni hriamtlai nih thawngthanhnak an tuahmi a um rih lo. Karenni hriamtlai phu he naihniam in a ummi hna cu Burma VJ nih pehtlaihnak le thawng halnak an tuah hna i Tank pahnih an laak nain zei bantuk Tank dah a si ti cu an hngal lo, tiah theih a si. TCP