Donald Trump,77, cu an tlaih taktak ko, Fulton County Jail thong chung ah minute 20 a um tiah report nih an langhter. Thonginn chung ah minutes 20 a um hnu ah Trump cu chuah than asi. Trump hi thonginn chung in a chuah than khawhnak a ruang cu Aa-mah-khan/ bond in chuah mi a si. Trump cu US $ 200000 in an tlanh tiah report nih a langhter.
Trump an tlaih hrimhrim ko ti a fiannak cu, finger print an tuahter dih pin ah mugshot zong an tuah dih. Trump a autu hi Fulton County District Attorney Fani Will asi. Fani nih hin Trump cu zalong tein biachimnak nawl a pe lo. Mah kongah Donald Trump nih Media ah a chimmi cu, Sualnak ka tuah mi pakhat hmanh a um lo, ka sihni zong sualnak an tuah mi pakhat hmanh a um lo. Hibantuk thil ruangah 2024 president thimnak hi ka thulh naisai lai lo tiah a chim.