Salai Za Bawi Thawng, CDF-KKG hruaitu nih One Command kong a chimmi hi a fiang ngaingai. A ti mi cu, One Command kongah cun, kan nih hi CNA he kan kal ahcun kanmah command tangah kan um lo, CNA command tangah tha tein kan um, cun kan ralkap sinah kan chimh tonmi hna cu, ralram nan kal tikah ground level zeitikhmanh ah nanmah command in nan um hrim lai lo, CNA command tangah tha tein nan um lai ti hi kan chimh peng hna.
One Command tangah um hi a si kho maw ti ahcun a khi ko nain atu a kal cuahmah mi kan dirhmun ahcun a si kho rih lo. CDF-KKG hi phioh I CNA lut dih usih tiah ti usihlaw CNA a lut ding hi 10% an um hnga dek maw, cucu nihin kan dirhmun cu asi rih. Hmailei ahcun a si kho lai I a di hrimhrim awk zong asi.
Kalay PDF hi KIA Lu Kaba nih a hruai cang hna caah Kalay PDF hi statement an chuah kan hmu theng ti lai lo. Atu hi raltuk lio caah a si statement chuah lengmang caan asi lo tiah a ti hna, amah Lu Kaba he zong biaruahnak kan nei cang tiah a chim. CNA ah ifonh dih cu a hau nain a tu ah cun a caan asi rih lo tiah salai ZBT nih a chim.