Breaking : Nihin Thantlang kahdohnak ah Chin ralkap 11 nih ram le miphun ca ah nunnak an pek, tiah theih a si. Chin ralkap leiin hliamhma tuarmi zong an um tiah kan thawnglaknak nih a chim. Kahdohnak ah nunnak a liammi hna cu CNA in ralkap 5, CDF – Zophei in ralkap 4, CDF – Thantlang in ralkap 1, CDF – Hakha ralkap 1 an si, tiah theih a si.
Kahdohnak thawng hi Chin ralkap lei nih fiang tein an thanh rih lo caah Chin ralkap nunnak a liam mi hna min thanh awk a ṭha rih lo. SAC leiin a thi mi le hliamtuar kong zong fiang in theih a si rih lo.