SAC Ralkap Motor Pakhat Kan Laak khawh Tiah CDF-Mindat Nih Thanh. SAC ralkap kuttang um motor pakhat kan laak khawh, tiah CDF-Mindat nih fehternak he nizaan August 28 ah an thanh.August 20 ah SAC ralkap kuttang um motor pakhat kan laak tiah an chim. Mindat ah pengkulh siizung motor pakhat a tlau nain CDF-Mindat nih cun zei bantuk motor dah an laak timi cu an langhter lo.
“SAC ralkap kuttang um motor pakhat kan laak” tiah an langhter Pengkulh siizung motor a tlau hnu ah SAC ralkap nih siizung le sianginn hna cu an khar nain atu ah cun voidang kel bantuk in an on ṭhan cang, tiah Mindat pengkulh fimcawnnak zung rianṭuantu hna he naihniam in ummi nih The Mindat Post ah an chim.
SAC ralkap nih an uknak Mindat ah August thla donghnak zarh chung ah kahdohnak voi hnih a chuak i, cu kahdohnak ah cun SAC ralkap 2 an thi, tiah an thanhmi ah cun an langhter chih.SAC ralkap nih uknak an laak hnu in Mindat ah SAC ralkap motor 10 nak tlawm lo Chin ralkap nih an hrawhpiak cang hna, tiah theih a si.