Arfi pakhat nih a kan tilhtak than. Hngak Lian (Hngaka) kan tuar har khun. Mi nunnem, mi daidam… kan thinlung nih a celh lo. Lengkawite
Thantlang Kahdohnak Ah CNA, CDF Lei 13 An Nunnak A Liam, 10 Leng An I Hliam.— Chin ramkulh, Thantlang khua ah a um mi SAC ralkap sakhaan cu CNA hruainak in Chin hriamtlai phufonh nih an va kah hna i chunitlak kahdohnak a fak. Kahdohnak chung ah CNA, CDF phufonh lei in 13 an nunnak a liam, 10 leng an i hliam tiah CNF/A biachimnak nawl a ngeitu Salai Htet Ni nih Khonumthung Burmese ah a chim.Thechinlandpost
Thantlang Kahdohnak Ah SAC Ralhrang A Thi Le Hliamtuar An Tam- August 28, Thantlang kahdohnak ah SAC ralhrang lei a thi mi fehter khawh mi ah 28 an si. Cun fak ngai in hliamtuar mi 60 renglo an si i cu hna cu Hakha siizung ah an tlikpi hna tiah theih a si.Cun Chin ralkap nih SAC ralhrang hriamnam RPG 1 le MA zun 4 an lak khawh. Hriamnam an lak mi hi mah nakin a tam deuh kho, atu tiang kan fehter khawh mi lawng a si.
SAC Palik Nih Hakha Khua Chung Ah Pa Pakhat An Tlaih! Chin ramkulh, khuapi Hakha Dawrthar sang ah SAC kuttang palik pawl nih pa pakhat an tlaih, tiah tualchung mi hna sinin theih a si. August 28 zing suimilam 9:30 hrawngah palik pawl cu Auto zung pawng le Betheny sang lei kalnak pawng hrawng ah an um i mi an bawh hna. Midang aa chawklet mi hna cu chekhlatnak an tuah hna lo nain pa pakhat belte cu an tlaih i, motor chung ah an luhpi i an kalpi colh, tiah min langhter a duh lomi pakhat nih The Chin Post ah a chim.
“Auto zung pawng le Betheny sang lei kainak pawng hrawng ah hin palik pawl an um tawn. Civil motor in an ra i mi an bawh tawn hna. August 28 zing suimilam 9:30 hrawng zong ah pa pakhat cu an dirter i a phone an zohpiak hnu ah an tlaih i motor cung ah an kaipi. Palik pakhat nih motor chung zong ah an tlaihmi pa phone cu a zokpiak len,” tiah a chim chap. A dang mi pakhat nih, “Palik pawl an kal-um ning zok tik ah hin mi va bawh hna sehlaw a lo. Mi chawkvai dang hna tu cu an dirter hna lo pinah chekhlatnak an tuah hna lo. An tlaihmi pa belte hi an rak ngiat cangmi maw a si ti cu ka hngal lo. A phone an chuh dih in an kalpi colh ko,” tiah The Chin Post ah a chim ve.
Hakha khua chung ah SAC ralkap le palik pawl cu mi sawhsawh bantuk tein an i umter i mi chawkvai cu chekhlatnak an tuah tawn hna. Zarhpi ni zanlei sang ah hin mi an chek khun i, pa mino deuh cu CDF nan si maw tiin an hal hna pinah an hro tawn hna, tiah tualchung mi hna sinin theih a si. TCP