Ram Hrinfa Ciocio, Thisen le Nunnak in Ram le Miphun ca’h Tuanbia kan țial cuahmah lio ah.,Cheukhat Ram hrinfa hna nih rian chuahtak in Ram thlennak ca’h CDM an tuah, cheukhat nih rian chuahtak sianglo in rank kai le rian luh an i cuh.Cheukhat ramkheltu hna cu a himnak hmun an panh, cheukhat hna cu Ram le Miphun caah tiin ramtangah an kal i Dohthlennak rian ah an i pumpe.
Cheukhat chawlet hna le dawrngei hna cu caanțha an i lak, cheukhat hna cu Dohthlennak ca’h an sikhawh chung an țang.Cheukhat mino hna cu ramdang le a himnak ah an kal, cheukhat hna cu pumpek nunthap in Ram caah ah ral an do.Cheukhat Khrihfabu nih Biakinn le Hall an rianh, cheukhat Khrihfabu Biakinn le Hall cu meikhanghpiak le hrawhpiak an si.
Cheukhat Pastor le Evant. pawl cu camping crusade tuah in members thar an kawl, cheukhat pastor hna cu Ram ca’h nun an thap, cheukhat hna cu ralhrial camp ah an member harnak hrawm in an umpi hna. Cheukhat chungkhar hna cu refugee bawh in ramdang kalnak an hngak, cheukhat chungkhar hna cu Dohthlennak tuahtu hna ca’h khuachung ah um in ti rawl pechaantu an si.Ram dawtu cheukhat hna cu Ram le Miphun caah thisen le nunnak an pek, cheukhat pawl pum tlaamtlinglo ah an i chuah lio ah cheukhat Ram hrinfa hna cu picnic an chuak i nuamsaihnak an tuah, rawl thawthaw an ei an ding, hotel țhațha ah an riakcaam.
Pathian sermi Amah muikeng minung, aalo lo lawngte in sermi kan si, thinlung ruahnak aa dang dih cio …. Cuca’h ahmaw a va si ko hnga …!!!Kan nih Khrihfabu cu mithi buultawlnak le hliamtuar zohkhenhnak caah kan caan le kan hmuhmi chawva dihlak hman dih kan si ee ….# Hodah Ram a daw taktak i Miphun a țanh taktak timi cu nihin kan țialmi tuanbia nih a fianter thluahmah … ….Ps Tluang Hre