CDF Tonzang Battalion 3 Riahbuk Kawl Ralhraang Le Zomi Revolution Army I Bawm Nih An Laak. Central Lairam, Lawngtlai 2023 Zing 01: East Lairam, thlanglei Tonzang peng ah a ummi CDF Tonzang Battalion 3 riahbuk cu Zomi Revolution Army le Kawl ralhraang i bawm nih Hniang 31 zaanlei suimilaam 3 hrawng ah an lak tiah tualchung media nih an langhter.
CDF Tonzang Battalion 3 Company hruaitu Zo Mu Mung nih ” A voithumnak cawnnak dih kan tuah hnu nikhat ah Tonzang ralhraang riahbuk kah dingin timhtuahnak kan ngei. Vanchiat ah kan ralkap pakhat zu aa din in a zaam, Tozang ralhraang nih an kan theih tikah zaanlei suimilaam 3 hrawngah hmunhma an rak laak, minute 5 aa du ah thawng kan theih caah kan van a tha” tiah a chim. CDF Tonzang Battalion 3 riahbuk chungah meithal 7, Drone 2, RPG 1, 60 MM pakhat, 40 MM pakhat, AK kuan 1000 leng, Cycle 7, facang tun 20 hna cu Zomi Revolution Army le Kawl ralhraang nih an laak. The Lairam Times