Indian American a simi GOP presidential candidate Vivek Ramaswamy cu atu dirhmun ah US president caah mipi thinlung lotu bik pathumnak asi tiah report nih a chim. Vivek nih a timi cu, President caah nominate ka si I US President ka tlin ahcun nihin ah Donald Trump sualphotnak an tuahmi vialte khi ka ngaihthiam dih lai. Zeitintiah hibantuk thil nih US mipi thinlung a thencheu. Americans Mipi thinlung hmunkhat teah kan I fontom hi ka duh bikmi asi “ if I’m the president, yes, I will pardon him, because that will help reunite the country” tiah a ABC News ah a chim.
Apeh rih mi cu, Donald Trump cu Republican Party nih nominee a tuah ahcun Trump mee ka pek lai tiah a chim chap. Kan hnu zarh ah Trump nih Vivek kong ah hitihin bia a rak chim, President ka tlin ahcun Vivek hi vice president caah atha, ruahchannak a um tiah a ti “Donald Trump has said that Vivek Ramaswamy would be ‘very good’ as a possible Vice President”. Donald Trump president a tlin ahcun Vivek cu vice president ah aa thim lai zumh a si. Vivek zong president a tlin sual ahcun Trump sualphotnak vialte ngaihthiam a si ve lai.