Dawtu Pathian -Harnak tang i a um mi zumlotu chungkhar 200 sin ah Khrih dawtnak le a Thawngtha he bawmhnak kan pek khawh than hna caah kaa lawm. Kan ram a har lio i, hi bantuk riantuannak nih theipar tampi kan zun te lai tihi kaa ruah chanh peng mi a si. အခက်အခဲဖြစ်နေသူ မိသားစု ၂၀၀ ထံသို့ဘုရားသခင်အားဖြင့် ချစ်ခြင်းမေတ္တာထပ်မံမျှဝေခွင့်ရရှိလို့ အလွန်ဝမ်းမြောက်မိပါတယ်။✍️6 Sept 2023 GFM,WUPM,BCM
https://www.facebook.com/100003193715183/videos/1220019315333488/
Mipi Cozah Hruai Lio Nak In SAC Ralkap Chan Ah Myanmar Ram GDP A Ṭhancho Deuh Tiah Min Aung Hlaing Nih A Chim. — Myanmar ram ah SAC bawizik Min Aung Hlaing nih mipi cozah hruai lio nak in atu SAC cozah chan ah ramchung ṭhanchonak kong a simi Gross Domestic Products (GDP) a ṭhancho deuh tiah a chim. 2019-2020 kum ah Myanmar ram ṭhanchonak kong tuak mi GDP cu a ṭumchuk (minus) 5.9 percentage a rak si nain 2021-2022 kum ahcun a kailei – plus 3 percentage a ṭhancho, GDP 9 percentage cunglei a panh, mah caan karlak chung ah lam le sul, Electric tower tung, cozah inn le lo pawl cu misual ralhrang pawl nih an hrawh mi hmuh a si, ram ṭhanchonnak ding ah hman ding tangka cu ser/remh ṭhannak caah hman a si ruang ah sipuazi ṭhanchonnak lam cu hmuh khawh ti lo bantuk dirhmun kan phanh hi ramchung mipi nih theih dih a herh tiah SAC bawizik Min Aung Hlaing nih a chim mi cu Ministry of Information Website nih a tar mi cu VOA Burmese nih a vun langhter.
Myanmar ram sipuazi ṭhanchon ning dohhlat tu hna cathanhnak ah June 2023 kum World Bank nih June 27 ah Myanmar ram GDP ṭhanchonnak hi a ra ding mi September tiang ruahdanhnak ah 3 percentage a phan te lai tiah an rak tuak chung mi hi 2019 kum he tahchunh tik ah GDP 10 percentage a tlawn/zor deuh rih tiah an ti. World Bank cathanhnak zohchih in Macrotrends tuaknak ah cun, Myanmar ram GDP man hi 2019 kum ah 68.70 billion, 2020 kum ah 78.93 Billion a phan i, SAC ralkap uknak lak hnu 2021 kum ah 65.12 billion a tum/tla. 2022 kum ah 59.36 billion tiang a ṭum/tla thluahmahnak kong cu Macrotrends nih a chim.