Lai Idol criticize ka vun tuah ta lai. Kawlholh in cun ဝေဖန် kan ti lai cu. Laiholh in cun soi a si i soi tihi a chiatnak lei lawngin kan hman caah zei ti ṭha, mi soi tam nu nan ka ti hoi si le ka inn ko lai hei ti ning law ka care lo lawlaw. 😃
Idol cu tuah ciomi a si ko caah an tuahmi cungah soisel awk le thang ṭhat awk ah ka ruat hna lo. An cawlcanghning ka sia a rem lomi tu ka vun i thlak ve hoi lai. Keimah tein kaa thawh riangmang i ka zoh rih lo.Kan pa nih a zoh nakah ka hmuh ve i vik tiah ka hei zoh sawh ve. A video quality a ṭhat tuk lo lengah zoh huam ding in judges pawl nih puai an ṭhing kho lo caah ka thinlung a ka la lo i a aw lawng ka ngai. Nain judge nu nih zukhmawm na tawng maw tiah a vun hal ah khan ka lau tuk i zoh hram ka thok nain kha zan leng kha ka zoh ti fawn lo.
Hlasa tu pawl an za dih cio ko ka hei ti, ring awn tum lo i hlasak hi a fawi lo.Judges pawl nih an comment hna tikah negative deuh a tam. Idol i audition level ah hin zei tluk tiang dah an chambaunak purhdah khawh a si hnga timi belte cu ka thei ve lo.Ka celh lomi cu zukhmawm na tawng maw tiah an hal mi hna khi a si. Kan tongh an ti ahcun va tawng ti hlah an hei ti hna. An mah vial a ha sen cengcung in. Zukhmawm te hna cu minute (2) chung tonmi minung hawi nih phiat ter khawh mi a si bal lo. Cu lengah mi privacy kan va buar a si fawn.
Ka lung a dongmi pakhat cu naarvaas nan ti lenmi 🤣 thinphan kan timi khi sual phunphai ah kan ruah i kan sik hna, naarvaas lo dingin kan thloh hna. Thinphan, ralchiat, ningṭih le ningzah timi te pawl khi tuah hlah, cu tin um hlah tiah thloh khawh phun thil a si lo. Cun khi thil pawl a hmangmi zong khi sual phunkhat, thazang der phunkhat a si fawn lo.Kan ruahnak nih a banh khawh lo bia si ti khi ka theihthiam tuk ko nain a tu chan ahcun i sawnhtalhnak nawl (ဖြေရှင်းခွင့်) khi IT nih a kan pe ti lo. 🙂An holh cu ka nih a chuak mi tete a um pah nain ka soi hna lo. Ruahnak cheuh ka duhmi hna cu an hmai i panh deuh hna seh ti khi a si. 😅Keimah nih ka ṭial ruangah a zoh bal lomi an i thawh lai i an zoh cang lai. Lainu Dawtu Aa Bor