Thawngpang theih ning a si ahcun Pu No Than Kap cu Kawlram in India leiah Visa in a kal tiah theih a si. Pu NTK hi Delhi in Aizawl lei tiang kal aa tim ti zong theih a si. Kan theih bantukin NTK hi SAC ralhrang kut ah a rak i pe mi asi ti aliamcia kum tampi ah tuanbia a rak um. Ralhrang MAH nih uknak a lak hnu in Rangon hrawng ah khuasa in Ralhrang he an thut dirnak tete hmuh khawh a si.
Min Aung Hlaing le Ngun Cung Lian he tiin Advance Christmas an hmannak le ralhrang meeting a kainak timi tete hmanthlak an rak langhter mi zong a rak um bal cang. Hitluk ram buai lio ah zalong tein VISA in India a tlawn hi zeibantuk herh ah dah a si timi a ruang taktak theih khawh a si lo. Nihin tiangah mipi hmuh ning ahcun ralhrang he rem tein a um mi a si ti belte hmuh khawh a si. No Than Kap, Ngun Cung Lian le Hmuh Thang hna pathum hi Laimi chungin bochanmi an si ko nain ralhrang lei aa bet mi ah ruah mi an si.