Myanmar Ram Ah Innlo Chuah Taak In A Zaam Mi Nuai 2 Hrawng An Si: UNOCHA – Myanmar ram ah innlo chuah taak in a zaam mi nuai 1.9 hrawng an si cang tiah United Nations Office for the Coordination of Humanitarian Affairs (UNOCHA) nih September 8 ah a thanh. Kum 2021 ah Myanmar ralkap nih rampi nawlngeihnak an laak hnu, kahdohnak a chuah hnuah ah innlo chuah taak in a zaam mi nuai 1.6 an si, inn a kaang mi thong sawmsarih hrawng an si.
Atu lio i kahnak le kokek harnak ruangah innlo a chuah taak mi an tam chin lengmang rih tiah an langhter. Arakan ramkulh le Myanmar Nichuah Thlanglei hmunram ah, August thla tiang ruah a sur tuk ruang i ti a lianh ruangah khuami thong sawmriat hrawng harnak an tong. Thlichia ruangah Arakan ramkulh ah har a tong mi hna nih bawnhchanhnak an herh rih. Cun, Kachin ramkulh chung ralzaam hartong hna zong bawmhchanhau an tam fawn tiah an langhter.TCP
Kalaymyo Khua Chung Ti A Lian – September 8, 2023 — 2023 September 8 zing in kalaymyo khuachung ah ti a lian i, khuachung tiva a luang mi Upoh chaung, Tuiro va, thlamualluai tiva pawngkam um inn tang tiang ti a lut cang i, tiva pawngkam a um mi hna cu hmundang ah an tli/zaam cang tiah theih a si. Kalaymyo nichuak, chak lei, thlang lei khua ti a lianh hnawh cang hna. Tu tiang Kalaymyo khuachung tiva U Poh chaung ti lianh ruang ah Lamsung in Tahan lamchung tiang ti a phan cang.
Kalay–Gangaw lei kap khuate tam lak te zong ti lianh an tong. Tu tiang ahcun Nguang Pin Ta, Aung Min Ka lar, Aung Me Mang, Aung Tit Sa, Min Galar Oh Yin, Chian Myet Aung Si Sang pawl ti a phan cang. Kalaymyo khuachung ti lianh cu Neta phungki inn chak i Myomah bazaar, Kalay lamsung, tintin win dawr hmai tiang ti a phan cang. “Mitta- tiva, Zi Chaung ti a ṭhang tuk i Sadaw, Cekan, Minhla kap vial te, Kalaymyo nichuak lei Pyintakhua, Taungngo, Nat Myaung khua le Kalaymyo pengchung khuate tam deuh ah ti lianh ruang ah hmundang ah an zaam tiah theih a si. THP