Nu pakhat kan sinak dirhmun in kan i ruah lo tuk ning in thil hi a cang tawn. Mi nih upatmi si kan i tinh tuk lio ko zongah kan palhnak hi vawlei pi ah a thang tawn.Thangchiatnak maw, mawhchiatnak maw, i palhnak maw, i ralrin lo ruangah min chiatnak maw, thil tampi a tongmi kan um tawn.Mi cheu khat caah vawlei hi thluachuah relnak ah kan hman. Mi cheu caah cun min chiatnak le ningzahnak nih a kan zulh ve. Min thannak le min ṭhatnak nih a zulh dawimi hna lakah, zeitlukin i zuam len ko zongah harnak ton ve ding hrim hrim in khaukhih cia mi a lomi kan um tawn.
A caan cun vawlei hi a dik lo (fair) lo tuk tawn ka ti. Ka nun ka zoh ah ziah keimah theng hi thluachuah ka co ka ti, tlawmpal ziah keimah theng hi ka van chiat ka ti.Vawlei hi duh a tling hrim lo. Mi cheu mirum chungkhar in an sem i mi cheu cu sifak chungkhar in an sem ve. Ka ruah ahhin ka lung nih a phan tawn lo.A phi ka chuahmi cu, mi zei bantuk nu kan si paoh ah, kan thang a that ah siseh ah kan thang a chiat ah siseh, hawi kan tluk ah siseh kan tluk lo ah siseh, nu ṭhawng bak kan rak si cio ko e ti hi a si. Nunu