Chinland Council dirhnak ding meeting update tawifiang
- ∆ Meeting tluang tein an dih kho i, Chinland Council dirh ding ah meeting kai palai an lungtling dih.
- ∆ Constitution draft le Conference pi tuah ding caah Working Committee an ser khawh.
- ∆ Working Committee ah: Myone aiawh… 9, Detah aiawh..8, MP aiawh.. 9, CNF aiawh.. 5 tiin ser a si.
- ∆ Sept 11/2023 in rianttuan an thok colh lai.
- ∆ Meetting kai lo mi: Falam MP le CNO , Tedim MP le Zoland PDF le Tonzang.( hika ah Tonzang a kai lo timi ah MP palai an ngeih lo mi kha chimduh mi a si)
- ∆ CDF Tonzang, CDF Hualngoram, Siyin aiawh le CDF KKG an ra.
- ∆ Working Committee nih a ra rih lo mi hna zong sawm rih dingin timh tuahnak an ngei.
Hriamtlai phu 18 chungah phu 16 palai an rak kai kho tiah kan theih. Chinlanh Council a dir khawhnak dingah heh tiah a cawlcang le bawmchantu Chinland Dirkamh Bu cungah lawmhnak nganpi kan ngei.WH
Note- Hakha le Falam hi Chin State ah a ummi Districts hna vialte lakah aa naihniam bik, holh aa khat bik kan si hna. Hakha le Falam holh hi zohtikah 90% aa khat mi asi. Achel ahcun Hakha e Falam e tiin online idohnak phun a chuah caan zong a um ko lai. Cucu a biapi a si lo. Abiapi deuh mi cu unau kan sinak kha a biapi deuh. Dohthlennak a um hnu hi Falam kan unau cheukhat lungput zohtikah an ruahnak aa dang ngaingai. CNA/F huat le doh a duhmi hna an um. Atu hi CNO/CNDF tiin hriamtlai phu dirh a si hnu hin lungput ruahnak a lang khun.
Thil dangdang cu um rih seh, tutan Chinland Council sernak ding ah tonbiaruahnak Meeting neih a si. Kan Chinram le mipi caah a biapi tukmi tonnak khuakhannak neih mi ah CNO/CNDF le Falam MP an i tel lo ti theih cu khuaruahhar lei khi asi. Zeibantuk ruahnak dah an neih hnga i zeitindah kan Chinram hi sersiam an timh hnga ti hi ruahlo awk tha a si lo. Hi hnu tlawmpal ah thil sining fiang alang te ko lai dah. Atu ah zeimaw irelrem hlah hmanh sehlaw hi hnu tlawmpal ahcun unau sinak le khuakhan lairel tinak cu a um than te lai ti ruahchannak a um thiamthiam ko. Tedim kan unau cheukhat ZRA pawl belte cu MAH lakfa hnuzul an si cang caah chim awk an um ti lo, anmah hmanh khi Chin pasaltha hriamtlai nih an cihmih ve hau phun an si.