Chinramah abik in motor ngunkhuai (tax) laak kong ah- Tulio caihphai ngai mi le pumpak zongin aka chim le cakua tu tam ngai ka donmi ahcun CNA/F nih motor ,motor in chawlet le lamman ngunkhuai (Tax) a laakmi hi a si.Mah ngunkhuai laakmi kongah motor ngei chawlet pawl nih an duhnak le hmuh ning kong an ka ruahmi tawite ka hun taar chih. “Ngunkhua hi laa ko seh,mah belte tlawm deuh in la sehlaw, biana ah motor pakhat caah kumkhat ah sing 10 (10,00,000) ah hin sing ruk or sing nga (ting 5/6) tbk in si ahcun petu hna nih kan i harh tuk hnga lo”tiah an ka chimh. (an laak le i pek zat detail tucu anmah nih an theih cem lai) kum 100 leng federal democracy ram cia hna hmanh nih mipi dihlak duh ningin rian an tlamtlinh hlei lo caah mah kongah nawlnei tu CNA/F nih a zohfel tthan te ko lai tiah ruahchannak kan ngei.
Chin mipi nih kan duhbik mi cu kawl/ralhrang ukpennak chungin mahte khuakhan lairelnak ngeih khawh kha asi cio ko lai dah? Mahti a si ahcun CHIN Cozah sernak dingah zei btk hna dah herh,fawi tarek men in cozah hi ser le ngeih khawhmi si lo hi fian ahau.Mahte khuakhan lairelnak ser dingah cun, a hme bik in anganbik tiang mithiam sang ngeih aherh,ngunkhuai lak awk hnga si poh kha a latu ding nih an laak i,a petu ding nih nawlngai le felte in pek a herh,CHIN nation building ser ding hi umkal pah luala men in ser khawhmi le a ra dingmi a si loh.
Chinram nih kan ngeihmi leitang thilchuak mansung pawl kan Chinram caah mahte in i tawlrel le laak/zuar khawhnak nawl kan rak hmu bal lo,mah pawl a um khawhnak dingah Chin Cozah cu ser timh cuahmah le ngunkhuai laak a hun si fam.Ramleng nih tangka kan thawh ko caah ramchungah ngunkhuai laak hau ti maw aih! Tiah a ruatmi nan um ahcun mah cu apalh taktakmi ruahnak a si lai khah,mah kongah chim ding atamtuk nain pakhat te mu, ralhrang laakmi a za ko nan ti duhnak maw?Miraang ram ahcun sifaak mirum aa lo cio in motor ngeih dih si, ramchungah cun mirum lawng ngeihmi asi hi 99% adikmi si ko caah ngunkhuai hi an pek ve hrimhrim a hauh pinah Chinland cozah rimhaw hrim a nam le an tepter chung/theihter kha abiapi tuk.Tangka thot u ramleng zapi nak in ramchung motor ngei pawl khi alet in an rum deuh lai ticu afiang cia.
Chinmi ruahnak diklo ngaimi cu,ralhrang nih mipi an kan thah,Innlo an kan duah piak,an kan hrem le velh len nain ngai ah kan I ngeih caah maw si kan vuivai mi let 100 nak in Chin ralkap nih velh sual,khangh sual mi 1/2 te ah tawnglungkio in kan aumi hi sal lungput ngeih asi caah i tthinh bak ding.Ziah mah le mah kan I ngamhtuk I,miphun dang kan ttihtuk le upat tuk hui hna,sal lungput.Cucaah Chin cozah sernak dingah ramleng Chinmi lawng nih a tlinh khawh ding silo i, Chinram chungum mipi kha nan biapi leilei caah nan ti khawhmi cio in ttanlaak le vuivai lo tein rak cawlcang cio hram ulaw.WH