Saya Ceu Ham Thar cu rawlulh in Bawipa sinah thla a cam lio ah Bawipa nih thil hmuhsak mi a ngei. Cu cu amah hrimhrim nih hitihin a chim, Sual ngaihchih le sualphuan in Pathian sinah rawlulh dingin Pathian bia ka sin a ra, Bawipa nih a ka chimh mi cu zeidah a si ti ahcun, Pathian fa aa timi Pathian riantuantu aa timi vialte hna khi zoh tuah hna hmanh, a hohmanh ka lung a ka tong mi an um lo. Fimthiamnak in an ka kawl nain an ka hmu lai lo, chawva in an ka kawl nain an ka hmu lai lo, Kei cu lungthin a zohtu Pathian ka si. https://www.facebook.com/ceu.hriphi.3/videos/320203230381667
Ka phunglam le dawtnak kha an kaltak dih cang, anmah le an duhning in an lam kha an zulh hna ati. Cu lio ah Joel 2:12,15 hi Bawipa nih a bia a ka pekmi asi. Kei hi Hakha ah khuasa mi ka si. Aliamcia kum ral an rak zam lio ah Bawipa ka zam lai maw tiah ka ti I, Bawipa nih na zam lai lo, nangmah cu ka rian tuantu dingah kan thimmi na si tiah a ka ti. Atu cu kan ram pumpi a dam khawhnak dingah Bawipa biathli ka theih mi hi kan tuah ahcun kan ram nih damnak a hmu lai. Bawipa min in September 20 ah kan ram a dam khawhnak hnga riantuantu dihlak mipi dihlak nih nikhat chung rawlulh in thlacam kan sawm hna.