Tutan ah Salai Lungthli Tum nih a tuah mi Chin Star hlasak zuamnak an aa zuammi hna cu an thiam lawlaw khi si. Myanmar Idol level an si ko. Ram buai lio a si caah mipi cheukhat nih soisel bantuk aw an a tam caah a sunlawi ding tluk in a sunglawi lo sawhsawh khi asi. An thiam maw ti ahcun Lai Idol he cun tahchunh ding an si lo. Lai Idol hi Laiholh tein aa zuammi an si hna caah miphun hoih in thazaang pemi kan tha hnem. Chin Star Judges le Host hrimhrim khi an i fit tuk, an i dawh, uar an um i mi thazaang pek an thiam bak.
LTT- Chintube phu nih Chin STAR kan tuah caan he ai khat in Lai Idol an vun tuah ve tikah ‘an in singkhaw dara’ tiin cheukhat nih ca nan ka kuat. Kei cu kha tin ka ruat lo, an tuah vemi khi ka lungthli tein ka rak i lawm ngai lehlam. Kanmah lawng kan tuah lio cu ‘dohthlen caan ah tuah awk asi lo, Kawl ralkap thazaang pek bantuk a si’ tiin soiselnak a rak um pah. Zuamnak tuah a tha lo tiah an ruah taktak caah si theng loin keimah tuahmi tlamtling hlah seh ti an duh caah a rak si.
Atu cu zapi nih tihzahmi Sailo Thang chungkhar nih kanmah tuahmi bantuk te an vun tuah ve tikah cun ‘zuamnak tuah bak lo ding’ tiah a rak au lenmi hna zong nih ‘hla zuamnak tha pek ding’ tiin an vun aupi than cang. An lung ai thleng. Chin STAR soiseltu vialte cu Lai Idol nih an hmur nan cip ter dih cang hna. Ka rak i lawm ngai. Mipi nih cun kan phu hnih in thazaang ra kan pe lengmang hram rih ko u law❤️