KJV nih “an unknown tongue” a rak timi kha NKJV ah cun “a tongue” ti in a thlen/remh cang. An palhmi kha an remh cang. Sihmanhsehlaw Laimi cheukhat nih cun cu a um lomi, chapmi biafang “theihlo” timi kha hloh an siang lo i chap chin lengmang an timh. Cucaah cu holhtheihlo nih cun hlatheihlo an hrinter. Cun cu hlatheihlo nih cun zahtheihlo an hrinter.
Cu zahtheihlo nih cun zeidek an pawiter i an hrinter than rih te hnga? I remh/thlen duhnak thinlung an ngei lo. Thiang Thlarau riantuannak hi Baibal ah tling tein aa tial dih tung lo an ti i Baibal chungah a um bal lomi biafang/ thil kha an chap luimai. Biathlam 22:19 hi an nun nih a pemh kho hrimhrim lo hi ta!
ATU KANNIH CHAN AH APOSTLE PAUL HI HEI UM VE SEHLAW-Holhtheihlo ko doh tuk caah mi cheukhat nih cun Thiang Thlarau riantuannak na doh tuk caah Thiang Thlarau na ngei maw ti tiang in an ka hal. Keimah lawng ka si lo. Apostle Paul zong hi holhtheihlo a doh tuk ve caah holhtheihlo a uar tukmi Korin khrihfa cheu khat nih cuticun an rak ti ve a si lai cu. Cucaah Paul nih Korin khrihfabu kha, “Pathian Thlarau ka ngei ve ko tiah kaa ruah” tiah a ti hna (1 Kor. 7:40). Atu kannih chan zong ah hin Paul hi hei um ve sehlaw holhtheihlo aa hruhpimi hna nih cun Paul cu hrinthanlomi le Thiang Thlarau dohkalhtu ah an ruah ko lai dah