Esther Dawt Chin Sung Sin Cakuat- By The River Of Babilon hla a sullam hngalh loin kan sak i kan lam, kan i thui i kan i nuam, kan tlo, Rumrum rakrak tiah Zan khuadei kanmah le kanmah hngalh lo tiangin kan lam bantukin MAL nih tuah mi Vanlawng Ralkap kum 75th tlinnak ah Esther Dawtchinsung nih hla fung 3 khelte tlo ngai in le nuam ngai in asak khawh mi hi asullam hngalh lo asi sual maw?Maw Jerusalem (Maw Thantlang, Maw Chinland) Kan in philh sual ahcun kan lei hi kan dang ah i benh sehlaw car dih seh tiah Judah Nungak hna chiatserh biakamnak kha By The River of Babilon tiah anti mi cu asi.Babilon miphun le an bawi le nih Zion hla sak uh an kan ti tikah ram dang mi hmai ah le saal sinak hmun ah hla kan sak khawh lo i Innhliam kung ah Ṭinṭang kan bah i Zion ngai in zan khuadei chun Nitlak kan ṭap tawn tiahZion (Judah) Nungak hna nih anti. Babilon SPH nih hlasak an fial khawh hna lo. Saal dirhmun ah Ṭinṭang tum in hla kansak kholo anti.
Dohthlennak ah kan Chinland dirhmun hi Kan Ralpa MAL sinah hlasak cu chimhlo, Rawlei chung pilh loin kan nung in kan thih lio can asi.Kan Deirel Arfi ceu Chin Mino hna relcawk lo thisen he mithli don cawklo he nithla rellio, Chinland Khualipi dawhbik Thantlang Vutcam ah aacang lio.Chin Mipi kan thisen le Innlo duahmi 20000 leng he kan fanau thisen cu Abel thisen bangin Vawlei in Pathian sinah an au lio ah,Mipi tampi le Chinmi thahnak caah an hmang bikmi Kawl Vanlawng Rallokap kum 75th tlinnak puai theng te ahChin Vocalist Minthang bik Esther DCS nih hla asak khawh mi nih Dohthlennak ah aatelmi Chinmi an kan runh ngai.
Na kawi le Benben le Yawki cu Dohthlennak ah 100% an i tel ve. An Awzai in Kan ralkap le mipi an hnemh hna. Awzai in an hmuh mi Dollar in Dohthlennak cu anti khawh tawk tein an bawmh hna.Nangbel kanmah thattu le cihmih duhtu sinah blessing umseh tiah hla na sak khawh ko.Na aiawh ah Benben kan rak thimh lo cu kan i chirh dih ngawt cang.Pathian thawng in na mui aadawh, nan tungtai anṭha, na aw ṭha, Kawlram ah Cungnungbik dirhmun kha na phan.Nain aruah nan philh mi aum rua. Mah fimnak, thazang, dollar in Kawlram ah Cungcuang kansi lomi hi apoi bik.Chinmi Dawtnak le Dollar ruangah hi dirhmun kan phan kha.
Shakdarak, Mesak, Abenago te nih Siasal hmai ah kan kun khawh lo anti, mei ah an paihna.Dr. Henry VT, Dr. Hmuh Thang, Dr. Andrew NCL te cu an khua Thantlang mei ah ciamh lakin a duah tu MAL sinah Ka Bawipa le ka pathian tiah saal Tumkheng ansi rih hoi. Chinland damnak lamlam.Afiang mi cu Ramdawtu le Khumzualtu, Phuntungtu ngaingai hi sifah santlaih lo kan fale tete hi ansi ko rua.Kan nunnak le kan thisen kan pek mi Esther DCS le Dr te 3 nih an kan hmuh khawh hrim lo ee.Mitcaw le hnachet mi nih sifawn hna hlah. An hmuh dih, an theih dih, an hngalh dih.Amaysuu Hakha atlun lio ah Kapi tiah napawm i hla ṭhaṭha in na hlawi. Lawmhnak mithli he na si i na phun hawi Chinmi kan hmai hngalh tuk.
Tu cu biktaling in Chinland le Amaysuu ralnganbik MAL cu Blessing siseh tiah hla in na thangṭhat i na hlawi.
Na pawng ah Dr Henry VT, Dr HT, Dr NCL nih Asi Asi AMEN AMEN Thaduh, MAL anun khuasau seh anti hoi. Solomon SPH hmanh kha Pathian le a miphun akaltak caah amah le Israel ram he an rawk.A miphun le a Pathian a kaltak mi Saul SPH pa sin in Pathian Thlarau cu David sinah aaṭhial.Pastorte tampi le Krifabu dollar tiangin kan doh mi MAL rilmal sinah tlo ngai le nuam ngai in hlasak cu.Chin mino Vocalist le Musicians vialte biacah kan duh hna. DCS bang si ve hlah uh, Pathian fa le Pathian pek mi ram Chinland ngaihchiatnak si hram hlah uh.Mipi lei ah um i zuam zungzal uh. Kri le a Krifabu caah Kamlo Chuncha bang dirh i zuam uh. Kan ralkap le mipi kaltak hlah uh.
Kan farnu Esther Dawt Chin Sung sinah ruahnak pek kan duh mi cu Pathian sinah na sualnak i ngaichih. Rawl ulh in thlacam.Mipi sinah kan sual ko tiah phuang hi na caah an him lo ahcun Pathian sinah ngaihchih nak le Sual ngaithiam nak hal tuah.Pathian thlarau le a huham na sin ah an um zungzal nak hnga, Sual ngaithiamnak le thiamco nak cu Pathian sinah hal ṭhan tuah.Mipi sinah sual phuang ngam lo zong ah Pathian sin ah kan miphun le ka ram ah ka sual cang tiah ngaithiam hal ah an za ko.Ruahnak kan pek mi hi na tuah duh lo ahcun na sinah an um pi i Kawl minthang bik ah an chiah tu Pathian thlarau cu aaṭhial lai i Chin Mino pakhatkhat sinah a pek te lai.Saul sin in David sin aaṭhial bal kha. JRT