Thawngtheih ning hi aa dang cio hna, tuzing ah Thantlang ah biatak tein kahdohnak a um than. Hi kahdohnak hi cuhlan bantuk a si rua lo. Ralhrang nih Thantlang khuapi control dih an duh caah anmah ralhrang nih kan ralkap CNA,CDF hi zingkhuan tein an kah hna.
Cheukhat nih cun ralhrang nih Thantlang an lak dih ngawt cang a timi an um len, cucu a si lem lo, Van Thio inn le palek sakhan hmanh an la kho rih lo tiah thawng kan theih. Kahdohnak hi a fak ngaingai i atu tiang athi le hliam kong thawng fiang theih mi a um rih lo. Kan pasaltha hna caah thlacamnak in bawm cio ko rih hna u sih.
TCP- Nithum Chung Ah SAC Ralkap Nih Sagaing Peng Tualchung Mi 10 Nak Tlawm Lo An Thah Hna! Sagaing ramṭhen, Sagaing khuapi pawng um khuate ah rallam a sialmi SAC ralkap nih tualchung mi 10 nak tlawm lo an thah hna, tiah tualchung mi hna sinin theih a si.September 14 thawk in Sagaing khuapi nitlak thlanglei um khuate ah rallam a sialmi SAC ralkap cu khuate 7 ah lut in khuami hna thilri an firpiak hna leng ah Minse khuami 4 zong an thah hna, tiah Sagaing District Medical Team nih an thanh.
September 16 zanlei suimilam 6:00 hrawngah Sagaing peng, Ngahtatgyi phura hnulei ah rallam a sialmi SAC ralkap pawl nih lung lei damlonak a ngeimi pakhat telh in tualchung mi 7 zong an thah hna, tiah Sagaing peng thawngpang fianternak phu nih an thanh.Rallam a sialmi SAC ralkap pawl cu PDF nih hriamngan in an kah hna i ralkap a thimi le aa hliammi an um.
SAC ralkap pawl cu Nyaungkone le Thalunhpyu khua ah umhmun an khuar, tiah Sagaing pawng thawngpang fianternak phu nih cun an langhter. SAC ralkap nih rallam an sial ruangah Kindaw, Kaingpin, Letpantaw, Minse, Uyin, Myintthar le Tunglin khuami hna cu ralhrial in an zaam. Cuka khuate ah cun a luancia June thla ah khan SAC ralkap nih rallam an rak sial i tualchung mi 20 nak tlawm lo an rak thah cang hna.