Tulio ka thinlung um bia, laakhruak in: Revolution lio ah cun adoh mi nih doh ding, adoh duh lomi nih doh lo ding asi ko. Mi nih kan rawi hmanhseh kan buaipi ding cu an mah si loin kan i timhmi tu ah khan asi ding si. Akan pialter tu lehlam ah an i cang lai. Abik in Khrihfa kan si caah kan hmur le kan kaa kan i sum awk asi. Kan i sum khawh lo cun MAH nak in a zual deuhmi Sehtan phoih ah kan tla ti i hngal usih. Kan ral teinak lam cu Pathian lawnglawng asi. Kan hmur le kaa sum khawh lonak thawngin le mah le mah kan i thangchiatnak ruangah Pathian kan ngaihchiat ter si cun kan ral cu kan sung colh ti i fiang usih. Tukar FB hmuh mi ttukttak cu ngaih achia bak.
Pakhat le pakhat i dawt loin mah le mah lawngte kan i soi. Khua le ram hmanh ah zalong in kan um kho lo i mi ramdang ah kan hei tli, kan hei paam viar. Zaangfaak kan hei si ning. Fimnak le thiamnak le rumnak in le hawi kan tluk hna lo. Mah bu ah kan i zumh ning le pakhat le pakhat kan hei i nihsawh ning.Freedom/democracy hmuhnak caah ral kan do. Aduh mi nih free speech tuah hna seh. Free opinion ngei hna seh. Free duhthimnak ngei hna seh, tuah hna seh. Mah freedom cu pei hmuh kan duh i kan i zuam cuahmah mi cu asi cu. Sinain Khrihfa kan si caah, hi freedom kan ngeih mi cungah hin Bawipa hnatlaak pimi le lawmhpi mi asi maw ti kha ruat lengmang hna usih.
Cun, chantiluan dawi zia zong thiam hna usih. An tthatnak cawn in an chiatnak cawng hna hlah usih. An lifestyle (an design) lawng va cawn in an ngeihmi sining le chawva zong va ngeih khawh ve lo khi ning azak. Azoh tu le zei huaha khuaruat lo le ruahnak cheukho tu zong hei um lo. Khi nak cun daite um in kan sining le tuah khawh mi te ah diriam kha a tthabik. Example, rem ko in LIVE hei tthut in mi va thangchiatnak hna khi zei huaha a chuahpi lo. Negative outcome lawngte si. Kan personal life te kha i buaipi deuh hna usih.Zeizong vialte hi an sining an lang dih te ko la. Thilttha kha muihnak ah a um kho lo i thilttha lo kha ceunak ah a um peng kho ve lo. Bawipa hmai le mizapi hmai ah an lang dih te lai. Thla tu i cam piak ko hna usih. Ruahchannak ttha ngei hna usih.
Kan ralkaap nih an nunnak a sunglawituk mi an pek mi kha alak asinak hnga lo pawngkam kha zoh hna hlah usih. Hmai lei hoih in kan raal tu kha do hna usih. Mah le mah doh caan asi lo.Rungrul le ceengcel, fihnung lawngte kan si. Ai thangchiat in ai soingam ding aho hmanh kan um lo.I daw ko hna usih. Thla i campiak ko hna usih.Siaherhnak bia te ka ttialmi si. Thinhunnak in i laak loin pakhat le pakhat i theihthiam i, i ruahthiamnak caah ka ttial mi si. Areltu dihlak Bawipa nih fiannak kan pe ko seh. VHS