Kum zeimawzat chung USDP party Chairman a si mi Dr. Hmuh Thang cu Min Aung Hlaing nih Council member ah aa chiah diam ko. CNA ah kum 20 hrawng miphun caah riantuan cang mi Dr.Ngun Cung Lian zong Min Aung Hlaing nih ruahnak cheutu ah aa hunh diam hoi ko. Kawlram pumpi NLD vice president Pu Henry Van Thio zong Min Aung Hlaing nih uite thanthling liahter mi bantuk in aa khumh diam hoi ko.
Dr.Hmuh Thang, Dr. Ngun Cung Lian, le Dr. Henry Van Thio hna pathum an Dr hmuhmi cu Chin miphun caah si loin a donghnak ahcun Min Aung Hlaing ta an rak si dih diam ko. NLD party MP cheukhat zong Min Aung Hlaing nih zei in dek an hmur a tem hna le zalong tein Hakha hrawng ah chuk cho bantuk in an i chok huar ko hna.
Dr.Hmuh Thang ko hi sian a um lo, Thantlang peng nih Lian Lian pa cu a tlaihchan lomi an um lai lo dah. Sifak santlailo cungah dawtnak zaangfahnak a ngeitu tiin ceihmi, thangthat mi pa asi. Cubantuk minung mitha asi mi Min Aung Hlaing kut tangah rian a tuan cu sian a um hrimhrim lo. Ram athat tik zongah Laitlang kir loin kawlram ah luphum te dawh asi. Laitlang hmai a khap ti lai lo, Hakha Thantlang vawlei a lam ngam ti lai lo caah Kawl chia hna hmai ah tar tlung tiang khuasak dawh a si ko cang.