Pu Al Bik Lian: Esther Hi Pumpak Hlawknak Ruah le Duh ah Puai ah A Kal Lo

Esther hlasaknak kongah Pu Al Bik Lian nih a chimmi chung in tlawmpalte highlight kan vun tuah than tuah lai… “MNA cu kan kawlram ahcun a lianbik pakhat asi, an CEO hi kanmah Chin mi a si. Hi puai an tuah lio ah hin MAH le a phoih pawl hi sawm an si lo. Esther cu hlasakthiam a si caah an sawm ve.

Sawmnak ah a kal hlan ah hin a pasal le a group he tha tein an I ceih lungtlin hnu ah a kal mi a si. Atu lio kan dirhmun zohtikah dohthlennak tuah lio asi caah a tlizam mi tampi um cio¬† asi. Cubantuk dirhmun ah bawmhchan khawhnak lam tha deuh a si hnga maw tiah a kal mi a si”.

“Pumpak hlawknak le miaknak ruah ah a kal mi a si lo, hi a kal lio ah hin Min Aung Hlaing hi a ra ve lai ti pakhat hmanh zong a thei lo. A hmun an phanh tikah thil a cang mi cu, cu puai ahcun ruahlo piin MAH hi a ra lut an lau dih cio ko. Cun security chah taktak in an lak colh.

Cu lio ah Esther nih afate hnuk ka dinh lai tiin leng chuah a hal hna nain an sianh lo. Hla zong hi sak lo aa tim nain lam phun phai zong a um ding a si caah hla zong hi a sak mi asi. Cu kong cu mipi nih theih huaha loin heh tiah hmanthlak le a video lawng hin cun thil dik hi theih khawh taktak asi lo” tiah a chim.

Leave a Comment