WCCCC Chinland Constitution Draft Cawnglawmhnak le Peter Nih Interim Chinland Cozah Kong achimmi Aa palhmi FianternakChinland Council siam awkah i zuamnak voi 3 ah CNF nih an doh caah arawk tiphun Peter Hrang Bik Thang nih a chim.Cucu June Aamang nih a chim ṭhan. June Aamang cu Reporter le Media tama asi caah an chimh mi kha mipi an kan thanh mi asi i apoinak aum lo.Hrang Bik Thang Chim mi kha kan fianter lo ahcun Mipi tampi nih asi ko lai a ti tu kantam kho. ICNCC cu NLD model le policy in an kalpi caah CDF nih an cohlan khawh lo caah a rawk mi asi. ICNCC ah phun 4 ansi nain Isacc Khen, Pa Thang, Ni Ling Aung le Aung Thant lawng hi Mintha ansi. NLD ti zong ah anmah 4, NUG palai ti zong ah namah 4, MPs ti zongah anmah 4 thotho ansi caah Chin GZ mino nih an cohlan ti hna lo.
Dirhmun kan i thlen lai, nannih meithal rak tlaih uhlaw, Kannih Aizawl ah kan um lai, Bawmhnak Dollar in rum kan duh ve ti tiangin thil aum. CNF hi tlangtlatu ansi lehlam.CDF Tindan dih ka ah AK47 7000 kan in bawmhna lai an ti. 200 an ti ṭhan. An bawmh maw bawmh lo ti zong ka hlat zuam ti lo.CJDC nih an duh lo bik mi cu Chairman le Ralbawi cu anmah nih si dih ding ti asi cu.CJDC nih Chinland Council dirhnak: Mindat le ZFU cu kan kai lai tiah senthuh asi cang nain Mang Hen Dal, Isacc Khen, Ni Lin Aung te nih Interrupt antuah hna caah an kai lo.
MPs 90% leng cu CJDC ah an i fonh cang. Chin Cozah a dirh cang tiah hnatlaknak ngeih dih asi cang.Falam lawng nih an duh lo. Democracy ningin Chin Cozah fekter asi cang ko cu tah….Mindat le Tedim cu Sizung awkah Palai thlah asi. Meeting ah fekter mi policy kha an ken ter hna.Mindat le Tedim sin an phan hlan ah Peter hruai nakin Isacc Khen, Lian Luai, Mang Hen Dal, Ni Ling Aung, Aung Thant, Pathang le Dokhar te nih anmah duh ning policy le Organograph an rem.Cucu Mindat le Tedim cu an hmuhsak hna tikah YES anti. CJDC meeting biachahnak asilo caah CDF tampi cu an buai.
Myone 9 lawng an cohlan i Pengtlang cu an cohlan hna lo caah CDF 8 leng an buai. CNF CNA cu CDF le CJDC lei an um ve. CJDC Cozah hrawktu cu CNF CNA ansi bak lo hi.Cu hnu ah CJDC Le ICNCC fonhin Cozah dirh an i timh nain hruaitu cu Hrang Bik Thang, William Chin, Isacc Khen, Lian Luai, Mang Hen Dal, Ni Ling Aung, Aung Thant, Pathang le Dokhar lawng hi ansi ṭhan.Myone 9 lawng an cohlan hoi i CM le Vuanci Chuk cu MPs ansi lai or ICNCC hruai tu bik asi lai. Isacc Khen or Lianluai asi lai anti.Vuanci zong MPs le kawl Party le cunglei ka langhter mi upa hna lawng ansi lai an ti caah CNA aa ngawl. Anmah nih hrawk mi cu CNA a puh hna Hrang Bik Thang nih.Hrang Bik Thang Tactics hi Eden Dum biaceihnak he aalo. Rul nih, Na ka pek nu Eve nih, tbk in mi sual an phawt dih.
Keimah ka sual ka palh an ti duh bak lo caah Eden Dum in Pathian nih a ṭhawlh / adawi hna. Chinland Council pi siam awk ah MPs hruainak in tuahmi WCCCC ah Falam le ZFU an i tellomi cu Democracy hnuchit asi bantukin Federalism zeirello bak ansi ko.Conference an tuah tikah Tanglei Constitution Draft hi i ceihmai asi te lai. WCCCC Chairman cu Pu Tial Ling (MPs), Secretary Pu Ram Kulh Cung (CNF), Dr. Ngai Tam Maung (Spokesman) CDF aiawh.
WCCCC cu Chinland Conference tuah khawh dingah: Draft Chinland Constitution um khawh dingah: Cu Constitution ningin Legislative, High Court (Chinland Judiciary), Chinland Executive siam ding.Cozah tling sinak ah abiapi bik mi cunglei phunthum hruaitu ah Chinland Council dirh ding timi kha WCCCC nih hmaithlak asi.Draft an chuahpi dingmi zoh tikah ICNCC, CJDC, MPs, Kawl Party CDF nih duhlo dingmi ka hmuh lo. Dotlami ansi i International level asi ko.CNDF le ZFU bawmhtu Falam le Tedim mipi zong nih rel ve uhlaw, WCCCC ah i funtom ding in Forhfial cio awk ah hi capar in kan sawm hna.We Are One in Chin si cang usihlaw, Kawl Ralhrang tei cang rawh usih. Tuanbia Tazakhan kansi lo nak hnga, WCCCC ah mipi nih ratpi cang uh. JRT