Joshua aa thong than cang lai, thazaang pe than cio hna usih. Joshua Van hi tutan ah a voihnihnak UFC octagon cung a kainak ding a si lai. Amah Opponent hi Kevin a si I Joshua Van nakin kum 3 u pa a si. An konglam tialmi zohtik ah Joshua Van he an I tluak ngai lai dah. Joshua hi zuamnak ah voi 8 aa thua I voikhat lawng a sung. Kevin hi voi 9 aa thong I voikhatte lawng a sung mi a si ve.
Octagon cung an kai cianak kongah report nih alanghter ning ahcun, Joshua Van striking accuracy hi 51% a si lio ah Kevin cu 44% lawng a si. Joshua Van hi landing significant strikes averaging around 8 per minute asi lio ah Kevin landing approximately 5.8 significant strikes per minute lawng asi.
Joshua le Kevin hi an kg le height zong an i tluk bak, Joshua hi 125.3lkb (56.8kgs), Height 5.5″(165cm) asi i Peru fighter Kevin zong 125.3lkb (56.8kgs), Height 5.5″(165cm) asi ve. Reach belte hi Joshua 65, Kevin 68 an si. An i thonghnak ding hmun hi Stadium Madison Square Garden 
New York, ah 12/11/2023, 04:30 ah a si lai.
ZS cinzah- Israel nih Hamas cu Ground force in an luh hnawh cang hna i, Israel minung tampi nih Gaza hi lak thai ding a si an ti cio. Israel Prime Minister Netanjahu nih “tutan ral hi a har lai pin ah a sau zong a sau kho” tiah a chim. Zeicatiah, Hamas hi an hram a fek ngai cang pinah, vawlei tang lam/ tunnel tampi ah hmun an iserh tikah a fawi lai lo ti a si.
Israel nih Palestinian ram, Gaza hi 1967, The Six Day war timi lio ah Egypt sin in an lakmi ram a si. Cu thawk cun, Israel nih an uk hna i 2005 ah Self-Determination an pek hna. Gaza in Israel ralkap an chuak. Israel chungkhar 8000 renglo zong an chuak i, Gaza cu luatnak an pek hna.Chaklei Palestinian ram, West Bank zong khi, Israel nih Six Day War lio ah Jordan sin in an rak lakmi a si ve thiam.
Palestine nih chaklei West Bank he Gaza he, Palestinian uknak pakhat tang ah an chiah. Asinain Hamas ralhrang cu, 2007 lio ahkhan Palestinian election ah an lut ve i, Gaza ah teinak an co. Cu thawk cun, Gaza le Wesk Bank zong uknak aa then. Gaza hi Hamas ralhrang nih One-Party system in an uk hna i, nihin tiang an uk hna.
Israel nih Palestinian an uk hna hi anmah Israel himnak an ruah tuk caah a si. Israel security hnahnawh loin, daite in an ram ah um ko hna sehlaw, a luatmi ram, a daimi ram an si ko lai. Asinain, Arab ram, Muslim extremist nih Vawlei Map ah Israel a um hrim an duh lo caah nihin tiang a dai khawh lonak hi a si.
Hamas ralhrang nih Gaza ah teinak an co lio ahhin, Vawlei pi an ngai a chia. Palestinian mipi an palh tuk an ti cio hna. Iralhrang pawl uknak an pekmi hrim hi an rak mawh tuk an ti hna. Hamas ralhrang nih Palestinian thangchonak an tuah lo. An uk chung vialte, Israel dohnak le hlohnak khur an cawh.
Nihin ah Israel nih Gaza a phawmh i, lak tthan ding dirhmun a phan i, 2007 lio ah Palestinian mipi duhthimhnak an rak ipalh caah a si tiah ruah khawh a si. Hamas nih kum 16 chung Gaza an uk i, Palestine thangchonak ser loin, Israel ram chung luh khawhnak tunnels an cawh. School le Hospital paoh hi, tunnel luhnak kua le chuahnak kua ah an ser. Kum 16 chung hram an isihmi le timhtuahnak an ngeihmi an si tikah, tutan ral hi a fawi lai lo tiah an ruah cio hi a si.