Salai Joshua aa thong cang lai, thazaang pe than cio hna usih. Joshua Van hi tutan ah a voihnihnak UFC octagon cung a kainak ding a si lai. Amah Opponent hi Kevin a si I Joshua Van nakin kum 3 u pa a si. An konglam tialmi zohtik ah Joshua Van he an I tluak ngai lai dah. Joshua hi zuamnak ah voi 8 aa thua I voikhat lawng a sung. Kevin hi voi 9 aa thong I voikhatte lawng a sung mi a si ve.
UFC Octagon cung an kai cianak kongah report nih alanghter ning ahcun, Joshua Van striking accuracy hi 51% a si lio ah Kevin cu 44% lawng a si. Joshua Van hi landing significant strikes averaging around 8 per minute asi lio ah Kevin landing approximately 5.8 significant strikes per minute lawng asi.
Joshua Van le Kevin hi an kg le height zong an i tluk bak, Joshua hi 125.3lkb (56.8kgs), Height 5.5″(165cm) asi i Peru fighter Kevin zong 125.3lkb (56.8kgs), Height 5.5″(165cm) asi ve. Reach belte hi Joshua 65, Kevin 68 an si. An i thonghnak ding hmun hi Stadium Madison Square Garden New York, ah 12/11/2023, 04:30 ah a si lai caah tlolh sual hlah u sih.
SAC Ralkap Nih Caan Saupi Chung An Rak Ukmi Kokang Hmunram Thanlwin Hleipi Cu MNDAA Nih An Laak. USDP cozah chan lio in an rak sak i caan saupi ralkap nih an ukmi Thanlwin hleipi cu MNDAA nih kan laak khawh, tiah thanhnak an tuah.Kokang pengkomh Shishan hmunram, Manlaw khuakomh Yankhanty khua um Thanlwin hleipi cu November 6 zanlei ah hriamngan in kah an thawk i November 7 zinglei ah an laak khawh. Thanlwin hleipi laak kahdohnak ah SAC ralkap pahnih an thi, pakhat an tlaih i a dang cu an zaam dih, tiah an thanh.
Thanlwin hleipi cu Kokang le Monekoe pengkomh kalnak hleipi a si i a biapi ngaimi, pehtlaihnak lampi a si. Meter 100 a saumi hleipi cu 2005 ralkap cozah(USDP) chan lioah an rak sakmi a si i SAC nih caan saupi an rak ukmi a si nain November 7 ah Chaklei hriamtlai phu unau thum nih an laak khawh cang i Yankhant khua he an uk khawh cang.Chaklei hriamtlai phu unau thum nih 1027 Operation an thawk hnu ah SAC ralkap sakhan lawng si lo in atu bantukin Kunlong hlei telh in hlei dang tete zong an laak khawh, tiah theih a si. TCP