Aung La Sang hi Laimi Chinmi nih uar lo le tlaihchanlo awk a tha hrimhrim lo. Tial Thang a thihruaitu asi i tutan zongah Joshua Van hi zeitluk in dah thazaang a pek timi cu a timeline nih alanghter. Laimi kokek nak hmanh in Aung La nih Joshua le Tial Thang hi thazaang a pek deuh hna ti khawh a si. Tutan zongah Joshua le Tial Thang cu, “Chinmi ka naule hna nan hnu in kan dir ko hih” tiah thazaang peknak atuah than hna.
Nikhat te lawnglawng aa duh cang, November 11 ah Joshua Van Bawi le Tial Thang cu Octagon cung an kai veve cang lai. Joshua hi UFC 295 ah a si lai I, Tial Thang hi All In Combat 4 ah a si lai. Tial Thang opponent hi Socon a si I thawngtheih ning asi ahcun Champion Belt aa cuh ding a si. All In Combat 4 hi Castine Center, Mandeville ah a si lai.
Joshua Van he aa thua ding hi Peru fighter Kevin asi. Kevin hi voi 9 aa thong cang I voikhat te lawng a sung, Joshua hi voi 8 aa thong I voikhat te lawng a sung mi a si ve, an result aa tluk ngai. Joshua le Kevin hna pahnih aliamcia an I thonghnak dirhmun langhter ning ahcun Joshua hi striking accuracy hi 51% a si lio ah Kevin cu 44% a si. Joshua dirhmun a tha deuh ngaingai tinak a si.
Tial Thang le Joshua hna pahnih lawng hi Laimi nih vawleipi theih in lentecelh zuamnak ah kan I neih mi hna an si caah Laimi Chinmi dihlak nih thazaang pe cio hna u sih. Tutan puai hi Tial Thang caah a biapi khun, zeitintiah Championship Belt fight a si. Tial Thang hi aliamcia aa thongh ah khan Main Event bak a rak si.
