November 11, ah Joshua Van Bawi le Tial Thang cu Octagon cung an kai veve lai. Joshua hi UFC 295 ah a si lai I, Tial Thang hi All In Combat 4 ah a si ve lai. Tial Thang opponent hi Socon a si I thawngtheih ning asi ahcun Champion Belt aa cuh ding a si. All In Combat 4 hi Castine Center, Mandeville ah a si lai. Joshua Van he aa thua ding hi Peru fighter Kevin asi. Kevin hi voi 9 aa thong cang I voikhat te lawng a sung, Joshua hi voi 8 aa thong I voikhat te lawng a sung mi a si ve.
Mah hna pahnih aliamcia an I thonghnak dirhmun langhter ning ahcun Joshua hi striking accuracy hi 51% a si lio ah Kevin cu 44% a si. Joshua dirhmun a tha deuh ngaingai tinak a si. Tial Thang le Joshua hna pahnih lawng hi Laimi nih vawleipi theih in lentecelh zuamnak ah kan I neih mi hna an si caah Laimi Chinmi dihlak nih thazaang pe cio hna u sih.
