Chin Star Winner ding adonghnak Final round an phan cang. Final round ah Winner aa zuam ding mi hna pali (nu 2, pa 2) hna lakah aho ko nih dah Winner a co te lai chim khawh a si lo. Amahbel nihin tiang votes/marks ning ahcun Par Tin Tlem le Van Mal Nei hi mipi thinlung ah hmunhma an la bik ko rua. Par Tin Tlem le Van Mal Nei hi an mee an hmuhmi a tu tiang ahcun an i tluk ( samfa ngawte lawng in an i thlau).
Van Mal Nei hi a aw ngeih a nuam bak, aw tuah a thiam fawn, cun kumtling nungak a si i mipi hmai cawlcangh tikah thinphan awk a ngeih ti lo zongah a awm ko. Par Tin Tlem nih tulio mipi thinlung ah hmunhma a lak khunnak cu kum 15 ngakchia lawng a si rih nain mipi hmai a cawlcangh ah tihnak thinphannak pakhat hmanh a ngei lo i, rock song hna ahcun Van Mal Nei nakin a rak thiam deuh ving ti cio a si. CHIM KHAWH A SI LO…
Kanbalu Nichuahlei Kahdohnak Ah SAC Ralkap 100 Hrawng An Thi. Sagaing ramṭhen, Kanbalu peng nichuahlei ah rallam a sialmi SAC ralkap cu tualchung hriamtlai phu nih an kah hna i, kahdohnak ah SAC ralkap 100 hrawng an thih pinah hriamnam tampi kan laakpiak hna, tiah Infinity Group in ṭuanvo ngeitu pakhat nih Khit Thit Media ah a chim. Nihin November 10 zinglei ah SAC ralkap le pyusawhti 300 hrawng cu PDF nih lamhruang in an kah hna, tiah theih a si. “SAC lei in ralkap 100 hrawng an thi. Rallam a sialmi hi ralkap le pyusawhti 300 hrawng an phan. Kawlin khuapi cu PDF kuttang i a um cang caah ralkap thazaang tampi in rallam an sialnak hi a si,” tiah Infinity Group in ṭuanvo ngeitu pakhat nih cun a chim.
SAC ralkap le pyusawhti hi November 7 ah Chatthin hmunram in Kutaungbu lei ah rallam an rak sial. Nihin November 10 zinglei suimilam 5:00 hrawng in rallam a sialmi SAC ralkap le pyusawhti cu kan kah hna i zing suimilam 10:00 hrawng ah kahdohnak a dai. SAC lei in ralkap a thimi leng ah a zaammi zong an tampi, tiah Infinity Group in ṭuanvo ngeitu nih cun a chim. Hi kong he pehtlai in NUG runvennak zung nih cun, Kanbalu peng Ahlelkhon khua nitlak chaklei kahdohnak ah SAC ralkap 80 leng hrawng an thih pinah 20 hrawng hliamhma an pu. PDF ṭangṭi phu nih meithal zun 59 le zen-kuan tampi an laak, tiah an thanh. TCP