Chin STAR Season (1) cu nan dihlak thazang peknak thawng in kan lim kho. Round 1nak an sak zaan ah ‘ka sining dihlak pek in ka kawlmi arfi’ tiah min ka rak pekmi Van Mal Nei nih judge mark he STAR Vote he sang bik ngah in winner laksawng ‘sui arfi’ a kan co piak.
Kai lunghmuih hringhran, nan i lunghmuih tuk cio ve lai ka zumh.Tlemtlem zong winner a si lo nain Chin arfi ceu a si ve cang. Kum 15 lawng asi rih i a caah caan tha tam tuk a um rih ko. Tuni kha pumh dih ah Chin arfi pahnih hna caah ting 46 man iPhone Pro Max pakhat veve ka va cawk piak hna. Hmailei an lamthluan caah tuanvo tampi ka ngei rih, thazaang rak pe rih lengmang hram u law. LTT
Zuamnak Competition timi kong hi hitihin ka chim tuah lai: Zuamnak a tuahtu Organizer nih atlawmbik tinhmi Aim 2,3 tal cu a ngei lai dah. Eg. Business, fellowship, tbk. Cubantuk zuamnak hmun ah aa tel mi nih an target taktak cu teinak hmuh winner khi a si, zeitintiah zuamnak hmun ah teinak cu a biapi bik asi peng. Tutan ah Laimi chungin hlasak zuamnak hmun 2 ah tuah a si. Cu cu John Lungthli Tum-Chin huap le Lai Idol-Lai huap in a si. Mah hna pahnih cawlcanghnak ah Laimi nih zeitindah kan cuanh ning kan lungput asi ti cu alang ko.
Lai Idol ah Sponsor a tuahtu an tam ning, ramchung cu um rih seh, a bikin ramthumnak khuasa pumpak laksawng le bu min in sponsor a tuahmi hna an um len. Lungthli Tum nih a tuahmi Chin Star ah ramthumnak khuasa Laimi chung in Sponsor a tuahtu mi an um ve dek maw cu ka thei lo. Ataktak ahcun Chin Star ah Winner, le Runner Up vialte khi Laimi lawngte an si. Cheukhat contestants cu ralzam an si ve. Lai Idol ah aa zuammi Contestants he an i dannak pakhat hmanh an um lo.
Langhter ka duhmi cu, Zeiruang ah dah Chin Star hi huat ngai bantukin kan um i Lai Idol hi tanh ngai bantuk in kan um hnga. Chin Star nih aa tinh mi le Lai Idol i aa tinh mi khi fiang tein chungril hmu kho usihlaw TINHMI aa khat kho mi dakaw an si. Zeiruang ah dah Lai Idol ah khin khi tluk lommam khin dawr or company faktanh/ advertise/cawngia a tam…
Cun, zuamnak alut mi nih cun caan tampi an pek, chawva tampi an dih bantuk in laksawng zong zoh piak an hau. Chin Star nih a pekmi cu Winner ah Ks 20000000 le Trophy man fak taktak mi a si. MMK 20 million nih innhmun loram / Apartment pakhat a cawk khawh cang tikah contestant caah dirhmun pakhat a ser piak khi a si. Cu lawng hlah, Winner le 1st runner up caah IPhone 4500000MMK/- man laksawng chuah rih an si.
Dohthlennak he pehtlaiin LTT hi huat thlorh in huat timi hi a si thlu lo, atuahmi thil tha tampi a um zong hi philh piak loin upat pek, thazaang pek a phu mi a si ve. Zeiruang ah dah Lai Idol hi hitluk lommam in kan tanh hnga timi zong hi ruah a hau. A tawlreltu hna mithmai zoh ruang ah a si sual maw… A tawlreltu hna mithmai zoh ruangah si sual sehlaw, sikun ah aliamcia kum caan zeimawzat chungah Lungthli Tum nih Laimi santlai lo cungah a dih heu mi rian a serpiak mi hna zatceo hrawng tal an isenso in an tuan hnga maw…
Langhter ka duh bikmi cu, Kan lungput hi a si. Chin Star organizer le Lai Idol organizer hi tanh hlei ka nei lo. Ka catial hi LTT a tanh mi ko ka lo lai nain a si lo, zuamnak kong tiang ah mi thleidannak, huatnak, remlonak lungput alang tuk mi hi zohchia kan si ti ka hmuh ning a si caah ka vun thai ta bia. ceuuk