Atu cu CNDF an lungput, an ziaza,( an ttial) thuhnawh awk tha loin alang cang. Tibual sakhan ralhrang minung 29 cu hriam tling he Mizoram ralkap le palek kutah an i ap dih khawhnak aruang taktak cu CNDF tawlrelnak/lamhruainak thawngin a si tiah CNA Spokesperson salai Htet Ni nih fiang tein a chim. Mah a tawlreltu dingah tuanvo latu hi CNDF ah sinak tuanvo sang taktak atlaimi Defense Secretary asi tiah a chim.
CNDF nih Tibual sakhan cu suimilam 2 chung hrawng 4 chung an kah hnu ah Tibual sakhan an lak timi hi palpalong lih fangfak a si tinak a si. Sakhan chuahtak hnu ah Falam mipi, Laimi hlennak caah Tibual sakhan pawng in meithal an puah sawhsawh mi asi tinak a si. Ramleng um CNDF supporters vialte nih an bawmhnak hna meithal kuan vialte cu sullam ngeiloin an hlonh men khi a si.
Miphun caah dohthlennak kan tuah an ti mi cu, 40% hrawng lawng si dawh a si. Zeitintiah mipi kan ral a si mi Tibual ralhrang cu hriamnam tling i beiter in anmah CNDF lila nih lam an hruai hna caah CNDF cungah mipi bochannak ruahchannak a dih zau lai. Ralhrang nih CDM an tuah i hriam chiah in kutro in Mizoram ah kan kal pi u an ti ahcun cucu a phung a si ko. Nain cucu si loin hriam tling he Mizoram tiang mipi ralkap aa ti ve mi CNDF nih an thlah hna tikah Min Aung Hlaing uknak hi biatak tein an doh lo, anmah pumpak minthat ruahah a cawlcang mi an si ko ti hi ruah khawh an si.