Tibual ralhrang nih Mizoram lei an i phurh mi meithal le kuan zen khi zoh ulaw, Cun Tibual Camp ah an chiah ta mi meithal pawl le kuan zen khi zoh rih tuah uh. Camp ah an chiah ta mi meithal khi cu a puak kho set ti lomi phunphai an lo pah. A dang pawl hna khi cu bag chungah sanh i minung fa nih keng in phurh awk tha tilo mi deuh si dawh an si.
Miphun caah riantuan mi CNDF zong hi mipi nih kan upat tuk ko hna, nihin tiangah pasaltha tamtuk nih ram caah nunnak an pek ve cang. Khatlei ah mipi nih mawhchiat soisel an ton lengmang nak a ruang cu, Kum 30 renglo Chin miphun le ram caah dohthlennak tuah in hriamtlai CNA zeirello phun in biachim an hman mi le CNA hna hi kan ram Falam peng ah kanmah nawlloin cawlcang hlah uh ti in Nawlpek/ralrin peknak an tuah lengmang mi hi a si.
Tutan Tio le Rih ralhrang sakhan laknak kongah Peter Thang biachim ngaih tikah CNA zeirellonak alanghter thiamthiam rih, ” Tio le Rih sakhan kahnak ah CNA nih sawm an kan philh” tiin a chim men. CNA spokesperson Salai Htet Ni nih ” Tibual ralhrang Mizoram an kalnak kongah CNDF Defense Secretary nih a tawlrel hna a ti. Peter Thang zong nih kanmah nih Mizoram lei tuanvo ngeitu thawng kan thanh hna a ti ve.
CNDF nih Tibual ralhrang umkalnak kongah an tawlrel hna tiah Pu Htet Ni nih a chimmi hi a dik tiah fehter khawh a si. Ralhrang nih CDM an tuah ahcun kutlawng in Mizoram palek ralkap sin an phanh khawhnak hnga an tawlrel hna ahcun cucu atha tuk mi asi ko nain hriamnam phuntling meithal tampi he an kalter mi cungah mawhchiatlo awk an tha lo. Note- Mipi nih kan theihlomi phen ah thil aa thup mi a um theo lai