Tibual SAC ralhrang Sakhan Tlangpar ah CNO/CNDF thantar an tar- Chin ramkulh Falam peng ih Tibual ralhrang sakhan ah SAC ralhrang thantar pawl cu an la ih Chin National Defence Force (CNDF) thantar an tar hnu ah Tibual SAC ralhrang Sakhan cu CNDF pawl cun tank pawl thawn hmun ram thianfaihnak an nei ih Sakhan khal CNDF kuttang ah a um tiah theih a si.
Tibual Ralhrang Sakhan cu CNDF in November ni 15 ah an kap ih Tibual Sakhan ihsin a tlan suak tu ralhrang 29 pawl cu tuisun November ni 19 ah India ram nazi 12 ah Mizoram ramkulh Champhai pengthen, Vaphai khua ihsin Helicopter in India a cozah cun Manipur ah an thlah tiah theih a si.
Tibual ralhrang Sakhan laknak ah MA1 –zuun (4)၊ MA3 – zuun (1) ၊ 60 mm singpiang zuun (2)၊ RPG zik 65၊ 40 mm bombhlum 180 ၊ 60 mm bomb hlum 72 ၊ inaka -80, kut den bomb 63 ၊ Drone Jammer- pa 1, 5,56 cerek 16252, 7.62 cerek 8100, kepal bomb 51, hmailawr bomb 23 leh a dang ralram hman mi thilri tamzet an laksak thei ih fang dip 61 leh ei in dangdang pawl khal an lak sak ngah. Sakhan sungah an zuat mi vok leh ar pawl khal CNDF cun an laksak thu theih a si. The Rihli Voice