Gaza le Israel karlak kahdohnak cu nihin tiang pehzulh a si, Israel nih ngol aa tim lo. Atu hi Gaza khualipi cu khuaruahhar in a rawk cang. Hi kongah China nih muslim ram pawl cu lakhruak meeting a kawh hna. China meeting a kaimi hi Saudi Arabia, Jordan, Egypt, the Palestinian National Authority, Indonesia le muslim upa hruaitu zeimawzat an si. An ceih mi cu, A rannak in Gaza le Israel buainak hi ngol a si khawhnak hnga The International Community nih tuanvo la seh tiah an ti.
Aliamcia can ah Saudi Arabia ah Muslim ram vialte tonnak an rak ngei cang.Kan theih bantuk in vawleicung ram thawng bik hna lakah a um mi China le Russia nih Gaza an dirkamh. Tutan ah Israel nih Gaza a phomh mi hi afak ngaingai caah Middle East ram pawl an thinhung I Israel cu Oil supply an pe ti lo. Gaza hi muslims ram nih zeimaw tiin an bawmh sualah cun ralpi a tho khomi dirhmun a si.