CNO Health Department siizung ih Ambulance cu Falam Christian Fellowship,Singapore(FCFS) in an lei sak ,Tulsam mi pawl Tuanvo nei tu in dilngen nak a nei bet. CNO Health Department siizung ih Ambulance cu Falam Christian Fellowship,Singapore(FCFS) in an lei sak tiah theih asi.
CNO Health Department kaihhruainak in siizung pakhat cu June 2023 ah CNO ramsung hmun pakhat ah an tuah.“Mina zoh khennak ah X-ray tla kan tul zet lai ,X-ray kan duh mi pawl hi ting 300 kyts kiangkap a si ih tu ah kan kut ah ting 30 lawng a um lai ruang ah mipi pawl in bawn ding ah ka sawm duh.
CNO ram sung ah Hospital (1) le Fixed Clinic 8 kan tuah ih kha mi pawl ah tla sii le vai kan tul zet. fixed Clinic pakhat ah hi thla khat ah ting 20 kiang kap acem ,Thalkhat ah Sii le Vai man ah ting 150 in 200 man kan cem. Hi pawl hi mipi nih in bawmding a tul “ tiah CNO Health Department Tuanvo nei tu cun The RihLi Voice ah asim .
Cuih CNO Health Department ih Sizung ah cun OPD mina mipum 1988 zokhen asi zo ih Sizung um zo mina 71, Major and minor Operation 43 tuah in midam lo kilkhawi zo a si.Mobile Clinic tla a cang thei tawk in khuate lam ah an feh ring ring tiah The RihLi Voice ah cun asim bet asi. The RihLi Voice