Mi thah cu ho nih dah a duh cio lai kan thah hna lo ahcun an mah nih an kan thah hlei ah kan ram ciah ciah ah an duh poah in an kan uk rih. Cu lak i mi thah kan duh lo ticu nan hriamtlai mi kha chiah lawlaw u, Chin Ram pi caah a tuan ding taktak ahcun nan thluak a rak tlawm pin ah nannganzi kong zeihman nan rak i fiang lo nak zong alang,mah peng mah tlang caah nan rak tuan khawh mi hman hi upat awk nan tlak ngai ko, nan mah kong chim loin dai tein um piak ti ah le nan hrut tuk fawn nan kong chim ti ah le thinhung nak lawng te asi fawn.
#Maw (- -) pawl kan fim ve cio lo zeihman kan thei ve lo nain nan mah tluk cun kan hrut lo tihi zakhat zakhat ka chim ngam Chin Ram hi tu hman ah nan zuar cang nain Chin cu nan tloh ter kho lai lo nan mah khuapi/ peng /tlang lawng kha nan zuar asi,a tuar zong nan tuar tuk te lai ngei zong nan i ngeichih tuk te lai ,Rawlchum nak nan tappi pawng hman tawan nan lak kho lo cu va si kaw nan mawh lo.ka chim sual le nan ka ngaithiam lo zongah ka zeipoi lo.
ZS cinzah- Zei thil paoh hi, a sining te a um i, a sining tein chim le kalpi thiam a tthabik caah, tutan cu Mahle pengtlang CDF cio thazaang pek a herhnak kong tawite in ka von thai. Zeiruang ahdah thazaang pek an herh? timi langhter ka duh. US ram politics ahhin, Republican nih an itlaihmi, a bik in President Ronald Reagan nih a rak itlaihmi cu, ” Peace through strength” timi slogan a si. Daihnak cu tthawnnak hmang in kan ser khawh deuh lai ti a si.
Democratic lei nih an itlaih vemi cu, “daihnak cu Diplomatic” ichanwhpiaknak in kan ser khawh deuh lai an ti ve. A bik in President Obama nih a rak itlaih. Asinain Minung kan sining, kan dirhmun le kan khuaruahning hawih in, “Peace through strength” timi sullam ngei deuh sehlaw a dawh. Chin miphun zapi kan khuaning tuak tikah, Phaisa a ngei deuhmi kan ttih ning hna. Man kan ngeihter ning hna. An fim lem lo zong ah an bia in, bia a tluk ning tbk zoh tikah, Phaisa lei tthawnnak nih a sermi thil lawngte an si. Cucaah, Laimi lak tthawnnak/ strength hi, sullam a ngei tuk tinak a si.
Cucaah, Laimi dirhmun le sining in a von fianter ngaimi cu, nangmah le pengtlang CDF cio kha, an der tuk ahcun, pengdang nih zei ah an rel hna lai lo. Nehsawh, thlanglamh nan tong lai. Nan bia zei ah an in rel piak hna lai lo. Cu tikah, nan lung a fak lai i, pengdang he nan irem kho lai lo. Asinain, nan pengtlang CDF cio kha, an tthawn ahcun, pengdang he bia nan iruah kho lai. Hawi dang nih an in respect deuh hna lai i, phu dang he fawi deuh in ipehtlaihnak, dawtnak le daihnak nan ser khawh deuh lai. Chin miphun cu, kanmah duhthimnak siloin, kokek sining in, holh le miphun tengnge ah a rum ngaimi kan si caah, kan holh le kan phun cio karlak ah “Mutual respect” a um khawhnak hnga le, unity kan ngeih khawhnak hnga caahcun, kan tthawn cio a herh ngai in a lang.