Kan Ralkap nih LAILENPI ralhrang SAKHAN Lak Dingin an Kulh Dih Cang

Chin Ralkap Hna Nih Lailenpi SAC Sakhan Lak Dingin An Kulh. Lailenpi SAC sakhan cu CNA, CDF-Lautu, CDF-Zophei le CDF-Mara nih November 19, zarhpini khan an kulh i lak dingin an i zuam cuahmah lio a si. Nan hriamnam chia in CDM tuah ulaw ṭha tein kan in zohkhenh hna lai tiah Chin ralkap nih an sawm hna nain SAC ralkap nih an duh lo.

Cunglei nih Jet Fighter nih voi 7 bomb a thlak cang. Khuami pakhat a thi, hliam a tuar zong an um. Cun sakhan a um mi SAC ralkap nih hriamngam in voi 3 an kah hna. Chin ralkap nih Drone in an kah ve hna caah SAC ralkap rual cu khawr (banker) chung ah an i thup.

Chin ralkap in ṭuanvo ngeitu pakhat nih “Atu tiang cu Chin ralkap nih sakhan cu an kulh rih ko. Zei tiang khi dah ralhrang hna cu an khawr chung ah an um khawh te hnga? Chin ralkap nih hnu kir an i tim lo, sakhan lak kha an i timh mi a si. Khuami hna zong a himnak ah an i dor chung hna” tiah The Chin Post ah a chim.

Leave a Comment