Pa Sui: Zubemo he Thahrim Bakah Itong Sihlaw Ti Hi Ka Duh

Australia Champion Pu Sui Bawi Sang nih Champion Venuzo kongah hitihin a chim, Tutan ah Nagaland pathawng Champion Venuzo hi ka zohtik ah paih ah experience tampi a ngeimi asi lai ti ka ruat. US pathawng a teimi hna zong khi experience in a tei hna. Tutan ah Venuzo he i paih ding hi ka saduhthah ngaingai asi. Cuhmanh ah ka duh ning ahcun, midang he i paih hlan, thazaang bat hlan, thahrim bakin i tong kho usihlaw ti hi ka duh bak mi asi tiah a chim.

Tutan Lai Paih Championship ah tuah dingmi hi cu cuhlan nak hmanh in a nuam, ahlunghlai deuh ding ah ruah a si. Zeitintiah Rung Lian Ceu zong aa pai than lai. A liamcia thil sining cuanh than tikah Naga Champion Venuzo tei khotu dingah ruah mi hi Rung Lian Ceu le Aust in Pu Sui Bawi Sang an si deuh ko rua.

Venuzo cu biahalnak an tuah tikah a biachim ah phannak a ngei lo. Tutan paih zuamnak zongah Champion ka sinak hi a hohmanh nih an ka chut kho lai lo a ti. Aa pai mi ka si tikah Lai Paih zong hi tampi ka zoh cang caah Lai Paih zongah zeihmanh phannak ka nei lo tiah a chim.

Note-Venuzo ti ding Zubemo tiin ka tial palh

Leave a Comment