Puitea: CNA le CDF TT Drone Team nih RIH le TIO ralhrang Cawl Kholo In An Tuah Hna

CDF hualngoram hruaitu Pu Puitea nih TIO le RIH ralhrang sakhan an laknak kong ah thil sining a chimmi cu ngeih a nuam bak. A timi cu, Rih le Tio ralhrang hna hi khat le khat alangtlang in hriamngan in aa bawm peng mi an si.  Nain tutan ahcun an cawl kho hrimhrim lo. A ruang cu CNA le CDF drone team hi an si ko.

Tio siseh Rihkhuadar ah um hmunkhuar ralhrang umnak hi khua he aa pehtlai tluk asi. CNA ralkap bawibik CS nih tha tein a suai i cu ning tein kan um kal caah khua mi nih harnak tong lo tein an um khawhnak hi a si. Ralhrang nih hriamngan in an I bawm khawhlonak hna hi CNA CDF drone team cawlchanghnak ruangah a si. Tutan Drone Team hna hi upat an um tuk, voikhat hmanh an I tinhnak hmun an tlolh bal lo. Kan tlaihmi ralbawi le anaule 7 nih an tih bikmi cu Drone asi.

 

Khuika kan um zongah Drone nih an kan dawi peng tiah an chim. Rih sakhan kan kah ah hin Drone Team nih suimilam pakhat ah voi 60 bak bomb an thlak khawh. Tio belte ahcun Drone thlakan dingah hmanmi generator lungkhan a si deuh lo ruangah Sakhan kan lakmi kha tlawmpal a rauh deuhnak a si. Suimilam pakhat ah drone nih voi 60 thla kho sehlaw sau an ttang kho lai lo.

Leave a Comment